Kiơ̆ hla ar chih tơroi păng nơ̆r pơma lơ̆m hop akŏm, iung pơma nơ̆r mă hơtuch, Tổng Bí thư, Kơdră teh đak Tô Lâm tơchĕng ‘lơ̆ng tơdrong adrin đơ̆ng khul chih hơmet hla ar kăl hlôi bơ̆ jang tôch tơnăp vă chih tơroi Hla ar chinh trĭ ăn Khul pơgơ̆r hop akŏm mă 6 đơ̆ng rŏng lơ ‘măng chih hơmet ming, vang tơgop nơ̆r.

Vă hơnơ̆ng chih pơ ‘lơ̆ng hla ar chinh trĭ tơroi ăn Anih tơm Chinh trĭ set hơlen, tơgop nơ̆r, hơmet pơkĕh tơroi ăn Hop akŏm Trung ương 10 truh âu kơnh pơm lăp hăm tơdrong ‘lơ̆ng păng gơ̆h hơgei, Tổng Bí thư, Kơdră teh đak Tô Lâm pơma hơdăh, nơ̆r chih tơroi athei tơƀôh hơdăh đon tơchĕng, trong jang, athei drơ̆ng pôm nơ̆r hlôh vao găh chăl ‘nao, chăl jang tŏk đơ̆ng hơdrĕch Việt Nam, đơ̆ng rŏng 40 sơnăm bơ̆ jang tơplih ‘nao. Tổng Bí thư, Kơdră teh đak Tô Lâm tơtă ăn Khul chih hơmet athei hơtŏk tơdrong pơm tơm đơ̆ng kon pơlei, akŏm jơhngâm don rơgei đơ̆ng tơpôl, mưh pơma nuh athei năng kăl nơ̆r pơma đơ̆ng băl vă gơ̆h drơ̆ng pôm nơ̆r.