Pơma tơ̆ jơ pơm lêh, tang măt kơdră chĕp kơ̆l Đảng, Teh đak, Tổng Bí thư, Kơdră teh đak Tô Lâm hmach hơiă kơ đe ƀok Nguyễn Hòa Bình, ƀok Bùi Thanh Sơn, ƀok Hồ Đức Phớc đei pôk hơtŏk pơm Phŏ Thủ tướng Teh đak; pôk hơtŏk pơm Kơdră Anih tơm vei lăng găh Tơmam drăm păng Cham char hăm ƀok Đỗ Đức Duy, Kơdră Anih tơm Tư pháp hăm ƀok Nguyễn Hải Ninh. 

Tổng Bí thư, Kơdră teh đak Tô Lâm athei 5 ‘nu âu hơnơ̆ng hơtŏk tơdrong joăt kach mang, vei kơjăp jơhngơ̆m đon ‘lơ̆ng, mĭnh jơ hngơ̆m đon hăm Đảng, hăm Teh đak păng Kon pơlei, đĭ jơhngơ̆m bơ̆jang ăn Teh đak, pơvih pơvăn ăn Kon pơlei. Hơdrol ‘noh, pơgê 26/8, hăm tơdrong pơgơ̆r đơ̆ng Kơdră Quốc hội Trần Thanh Mẫn, Quốc hội jăl 15 hlôi pơgơ̆r ‘Măng hop akŏm ưh kơ ê vă set hơlen tơdrong jang rơih bơngai jang. Quốc hội jăl 15 hlôi pơgơ̆r rơih păng kĭ ăn pôk hơtŏk 3 Phŏ Thủ tướng teh đak; Kơdră Anih tơm vei lăng găh Tơmam drăm păng Cham char; Kơdră Anih tơm Tư pháp; pôk Chánh án Anih sek tơlang gĭt kăl păng Kơdră Anih vei hơlen kon pơlei gĭt kăl.