Tơ̆ jơ tơƀơ̆p, Tổng Bí thư, Kơdră teh đak vang tơroi dôm tơdrong hơlen lăng đơ̆ng Tổng Thư ký Liên hợp quốc găh tơdrong apŭng plĕnh teh păng dôm tơdrong long nol lơ trong mă apŭng plĕnh teh tŏk bŏk tơ jră. Tổng Bí thư, Kơdră teh đak bơnê tơdrong tơgŭm ‘lơ̆ng đơ̆ng dôm khŭl jang kơ Liên hợp quốc tơ̆ Việt Nam lơ̆m tơdrong tơ jră hiong răm đơ̆ng ‘mi kial.

Tổng Bí thư, Kơdră teh đak athei Tổng Thư ký Liên hợp quốc hơnơ̆ng bơngơ̆t truh pơtrŭt dôm tơdrong jang hơdai nhen tơplih ŭnh hơyuh, tơplih rơgoh, tơplih kơ sô̆, pơjing tơdrong jang vei lăng kơsô̆... lơ̆m noh, bơngơ̆t truh tơdrong đei yua đơ̆ng dôm teh đak tŏk bŏk tŏk pơdrŏng, ‘noh Việt Nam. Ƀok Gutteres bơnê păng lăng ‘lơ̆ng tơdrong vang tơgop ‘lơ̆ng đơ̆ng Việt Nam tơ̆ dôm anih jang gĭt kăl, kŭm nhen lơ̆m đĭ đăng dôm tơdrong jang tơgŭm hơdrol đơ̆ng Liên hợp quốc, mă loi ‘noh jĭ găh vei lăng rơngei, bơ̆jang kiơ̆ dôm tơdrong hơgăt hơtŏk tơiung kơjăp, tơjră hăm tơplih tŏ ‘mi kial.