Pơma tơ̆ jơ tơƀơ̆p muh măt, tang măt kơdră Đảng, teh đak, Tổng Bí thư, Kơdră teh đak Tô Lâm pôk pơ ư păng hmach chơt hơiă kơ Kŏng đoan Bơngai jang teh đak Việt Nam hlôi pơgơ̆r tơlĕch jang kiơ̆ ‘lơ̆ng tơdrong jang păng 150 ‘nu bơngai jang ‘lơ̆ng tơdrong jang “Jang tơgŭm hơgei, pơvih pơvăn ‘lơ̆ng” đei pôk pơ ư.

Tổng Bí thư, Kơdră teh đak Tô Lâm pơma hơdăh, dôm bơngai jang ‘lơ̆ng tơ̆ jơ tơƀơ̆p muh măt âu ‘noh jĭ dôm bơngai pơm jŭk yŭk trong hơlâu tôch kơ hơgei, đĭ jơhngơ̆m, pơ̆n tơchĕng, pơ̆n jang, pơ̆n pŭ hơnăp jang, pơ̆n tơplih ‘nao pơcheh, jang sa iŏk đei iŏk yua lơ, ‘lơ̆ng; jang tơnăp ‘lơ̆ng lơ̆m tơdrong jang, đĭ jơhngơ̆m yua kơ hơnăp jang atŭm, bơ̆jang ăn teh đak, pơvih pơvăn ăn kon pơlei.