Kiơ̆ lơ̆m tơdrong răp mơ̆ng dôm nơ̆r tơroi, tơgop tơ̆ pơma đam păng tơƀơ̆p muh măt lơ grŭp jang tih hloh, Tổng Bí thư, Kơdră teh đak tơbăt ƀôh đei ‘lơ̆ng, tơdrong hơdrin đơ̆ng tơpôl anih mơdro sa Mi vă vang hơdai băl pơtrŭt pơih să jang hơdai tơmơ̆t jên jang hăm Việt Nam tơ̆ hơnăp kơnh, hơdai hăm ‘meh vă anih mơdro sa Mi hơnơ̆ng hơdrin yak tŏk vă jing anih tơmơ̆t jên jang tih hloh tơ̆ Việt Nam, hơtŏk đei yua, tơgĕch iŏk dôm tơdrong hiôk kiơ̆ lơ̆m tơdrong pơvei hơtŏ băl, pơyom dih băl păng 2 păh vang đei yua vă tơgăl hăm tơdrong pơvei Jang hơdai gĭt kăl tôm tơdrong đơ̆ng 2 teh đak.

Vă iŏk đei tơdrong hơgăt ‘noh, Tổng Bí thư, Kơdră teh đak athei dôm anih tơm, anih jang ƀơm truh kơ 2 teh đak hơnơ̆ng pơm hơdăh dôm trong jang, trong vă jang tih đơ̆ng lơ̆m tơdrong pơvei jang hơdai gĭt kăl tôm tơdrong 2 pang; tơtom tơgŭm, hơmet ‘lơ̆ng dôm tơdrong mơmat tat, tơhlăk tơhlĭn đơ̆ng anih tơmơ̆t jên jang. Tổng Bí thư, Kơdră teh đak kŭm ‘meh vă khŭl kơdră teh đak Mi gô pơtrŭt anih mơdro sa Mi hơtŏk loi dơ̆ng tơmơ̆t jên jang tơ̆ Việt Nam, hơdai hăm pơm tơdrong hiôk, hơnơ̆ng tơgŭm dôm anih tơmơ̆t jên jang Việt Nam pơih să tơdrong jang tơmơ̆t jên jang tĕch mơdro đei iŏk yua.