Tổng Bí thư Nguyễn Phú Trọng sơkơ̆t hơdăh, Việt Nam vei kơjăp trong bơ̆ jang tơbôl kơdih, pơm tơm kơdih, rơngei hiôk hian, tơgoăt tơgoăl, jang hơdoi păng atŏk tơ iung, lơpang tơgoăt tơgoăl, iung jang kơtang vang mơ̆t hơdoi apŭng plĕnh teh, ‘nŏh boăl, ‘nŏh jang hơdoi lui kiơ̆ dih băl kơjăp, đei hơnăp vang iung jang lơ̆m tơpôl apŭng plenh teh.

Tổng Bí thư tơbăt: Việt Nam ling lang jang hơdoi hăm rim teh đak apŭng plĕnh teh lơ̆m atŏk kơtang tơgoăt tơgoăl păng pơma dơnuh, hơmet pơ ‘lơ̆ng rơngei hiôk hian, pơtrŭt atŏk tơ iung. Việt Nam hôn bơnê Hoa Kỳ tơgŭm djru hơnăp jang tơm kơ ASEAN, atŭm hăm rim teh đak ASEAN pơtrŭt kơtang Trong lăng kăl kơ ASEAN găh Ấn Độ Dương - Thái Bình Dương. Ƀok Kơdră tơm Hoa Kỳ Joe Biden sơkơ̆t hơdăh, Việt Nam jing teh đak jang hơdoi gĭt kăl, tơgŭm djru mĭnh Việt Nam “Pơm tơm kơdih, iung jang kơdih păng hơnŭk hơnoa”, sơkơ̆t dơ̆ng yom kiơ̆ pơm tơm kơdih, pơm tơm keh kong groi teh păng trong jang chinh trĭ kơ Việt Nam. Jei tơ̆ pơma đam, Ƀok kơdră tơm Joe Biden pơma dơnuh mĭnh ƀar tơdrong apŭng plĕnh teh nhen iung tơjră tang găn tơplih tŏ ‘mi kial, hơmet pơ ‘lơ̆ng mŭk drăm-tơpôl đơ̆ng rŏng jĭ hơbuh, jang hơdoi hơtŏ hơnơ̆ng-Pơm tơm kơdih kon bơngai.