Iung pơma tơ̆ pơm lêh, Tổng Bí thư Nguyễn Phú Trọng sơkơt hơdăh, yak hloh chăl sơnăm đunh đai kơ hơdrĕch hơdrung, păng vei kơjăp hơnăp jang kơtang lơ̆m bơ̆ jang tơ iung pơjing păng vei lăng teh đak. 

Tổng Bí thư Nguyễn Phú Trọng pơma tơbăt jơhngơ̆m đon ‘meh vă lơ̆m khei năr kơnh, Jơnŭm rim Khul Khoa hŏk păng Kih thuơ̆t Việt Nam, dôm bơngai hok jrŭ khoa hŏk păng kmăi kmŏk Việt Nam kăl hơnơ̆ng iung jang ‘lơ̆ng hlŏh dơ̆ng pơchŏh trong ăn kơ Đảng păng Teh đak. Mă hơdăh ‘noh; Jang ‘lơ̆ng hloh dơ̆ng bơ̆ jang tơbăt, tơblang hơdăh lơm khei năr pơjing, pơm pơkeh rim trong bơ̆ jang, trong tơgŭm djru, rim hla bơar tơchơ̆t khôi luơ̆t hăm rim trong hơdăh, hơvơn, tơmơ̆t, iŏk yua, tơgŭm djru păng pôk pơ ư dôm bơngai gơ̆h hơgei, vă tơ iung pơjing khul gơ̆h hơgei teh đak bơ̆n ling lang atŏk pran, sơđơ̆ng măt bơngai păng bơ̆ jang gơ̆h hơgei.