Truh hăm ‘măng pơdă đei: Tổng Bí thư Tô Lâm; Thủ tướng Phạm Minh Chính; Kơdră Quốc hội Trần Thanh Mẫn; dôm ƀok kơdră chĕp kơ̆l dang ei păng adrol sơ̆ kơ Đảng, Teh đak kŭm hăm hlŏh 3.000 ‘nu bơngai tang măt truh đơ̆ng 34 dêh char, plt, dôm anih tĕch mơdro lơ̆m teh đak păng bôl boăl đơ̆ng teh đak đe.

Pơma pơih blŭng jơ pơdă, Thủ tướng Phạm Minh Chính lui, hăm tơdrong chĕp kơ̆l đơ̆ng Đảng Cộng sản Việt Nam gơ̆h hơgei, atŏk tơiung tơdrong juăt 80 sơnăm pơjing, vei lăng păng atŏk tơiung teh đak, rim anih jang chinh trĭ, dôm anih jang kơpal, tơring tơrang păng đĭ đăng kon pơlei bơ̆n gô hơnơ̆ng mât 1 ƀơ̆r đon, mĭnh jơhngâm adrin bơ̆ jang đei jơnei 02 tơdrong tơm gĭt kăl 100 sơnăm mă Đảng hlôi tơlĕch. 

Tơ̆ jơ pơm lêh, Tổng Bí thư Tô Lâm, Thủ tướng Phạm Minh Chính păng dôm ƀok kơdră chĕp kơ̆l Đảng, Teh đak vang tĭt nút pơih blŭng ‘măng Pơdă "80 sơnăm Chĕp kơ̆l pơgơ̆r teh đak kơdih, rơngei hiôk hian" hơiă kơ ‘măng tơbăt 80 sơnăm Quốc khánh teh đak Cộng hòa Xã hội Chủ nghĩa Việt Nam. ‘Măng pơdă pơih ‘măng đơ̆ng 9h truh 22h, hơnơ̆ng lơ̆m dôm năr đơ̆ng 'năr 29/8 truh đĭ 'năr 5/9.