‘Năr 25/8/2025, tơ̆ Anih bơ̆jang Trung ương Đảng, Tổng Bí thư Tô Lâm kŭm hăm đĭ đăng Anih tơm Chĭnh trĭ bơ̆jang hăm Khŭl kơdră chĕp kơ̆l pơgơ̆r Quân ủy Trung ương, ăn tơgop nơ̆r lơ̆m hla ar kăl păng trong jang rơih bơngai jang pơtruh ăn Hop akŏm Đảng bộ Khŭl lĭnh ‘măng mă XII, jăl jang 2025-2030. Đơ̆ng rŏng kơ mơ̆ng roi tơbăt, Anih tơm Chĭnh trĭ chih iŏk păng lăng ‘lơ̆ng tơdrong hơmet ăn ‘lơ̆ng, kơchăng đơ̆ng Quân ủy Trung ương, dôm anih jang kơpal păng kơdră đảng, khŭl jang đảng rim tơring lơ̆m Đảng bộ Khŭl lĭnh.

Hop akŏm rim tơring lơ̆m khŭl lĭnh hlôi pơgơ̆r ‘lơ̆ng, iŏk đei lơ tơdrong hlôh vao pơgơ̆r, iŏk đei jơnei ‘lơ̆ng; kang ƀô̆ pơgơ̆r păng bơngai tang măt iŏk jơnei hăm kơsô̆ kơ phiê̆u lui tôch kơ lơ. Quân ủy Trung ương kŭm hlôi kơchăng hơmet ăn hơlen găh hla ar kăl, bơngai jang, vei sơđơ̆ng ƀlep hla ar Athei đơ̆ng Anih tơm Chĭnh trĭ păng pơtho đơ̆ng Trung ương. Anih tơm Chĭnh trĭ tơƀôh hơdăh athei hơnơ̆ng jang kiơ̆ dôm trong vă jang tih, vei sơđơ̆ng jơnei Hop akŏm Đảng bộ Khŭl lĭnh ‘măng mă XII.