Pơma pơtôch jơ bơ̆jang, Tổng Bí thư Tô Lâm lăng ‘lơ̆ng nơ̆r tơgop gĭt kăl đơ̆ng kơdră Đảng ủy Anih tơm jang tơbôl, Quân ủy Trung ương păng Đảng ủy Kŏng an Trung ương. Tổng Bí thư pơma hơdăh tơdrong jang pơgơ̆r đơ̆ng Đảng găh tŭn pran jang tơbôl, mơ̆t jang hơdai apŭng plĕnh teh ‘noh jĭ hơnăp jang tơm, hơnơ̆ng, hơdai hăm pơma hơdăh tơdrong gĭt kăl đơ̆ng jang hơdai 3 tơdrong jang tơm: khŭl lĭnh - sơđơ̆ng - jang tơbôl.

Tổng Bí thư Tô Lâm athei Đảng ủy Anih tơm jang tơbôl hơnơ̆ng jang hơdai kơjăp hăm dôm anih jang, anih tơm, tơring lơ̆m tơlĕch jang kơchăng, hrơ̆ch, đei yua dôm hơnăp jang tơbôl. Tổng Bí thư tơtă kơ anih jang tơbôl băt hơdăh tơdrong, hơtŏk ‘lơ̆ng, đei yua păng tơtom đơ̆ng tơdrong jang tơchĕng hơlen, jang tơgŭm ăn Đảng păng Teh đak lơ̆m dôm trong jang gĭt kăl. Athei đĭ đăng anih jang tơbôl hơtŏk hơnăp jang năm hơdrol lơ̆m pơm tơiung hơnih rơngei, sơđơ̆ng, tơgĕch iŏk jên jang apŭng plĕnh teh vă bơ̆jang kiơ̆ ‘lơ̆ng tơdrong hơgăt hơtŏk tơiung teh đak truh sơnăm 2030 păng 2045.