Tổng Bí thư Tô Lâm năm hơpong ngôi, asong tơmam ăn dôm unh hnam mă teh đak tơchơ̆t tơgŭm, bơngai tơgŭm jơhngơ̆m tơ̆ Nghệ An
Thứ sáu, 10:28, 16/05/2025
Lan chih tơblơ̆
Lan chih tơblơ̆
VOV4.Bahnar – Kơsơ̆ 'năr brei (15/5), hơyak tơbăt 135 sơnăm Năr rơneh Ƀok Kơdră Hồ Chí Minh (19/5/1890 - 19/5/2025) Tổng Bí thư Tô Lâm atŭm hăm khul kơpal truh akŏm lêh tơbăt păng pôk kong chrah pơchră ang hơnăn “Trang sử vàng”, năm hơpong ngôi, asong tơmam ăn dôm bơngai tơgŭm jơhngơ̆m ăn teh đak hơrih pơm jang tơ̆ dêh char Nghệ An.
Tang măt ăn khul kơpal kăp gĭt pơjao tơmam pôk ăn bơngai tơgŭm jơhngơ̆m hăm teh đak, kan ƀô̆, bơngai jang tơ̆ Anih gru gra, Tổng Bí thư Tô Lâm chơt hơ-iă đei vih hơpong ngôi pơlei pơla trŏ ah 'măng tơbăt 135 Năr rơneh Ƀok Kơdră Hồ Chí Minh vă atŭm băl tơbăt tơdrong juăt jue nuih mơng kơ kon pơlei păng tơƀlŏk dôm tơdrong plang tih tên đơ̆ng Ƀok hăm pơlei pơla teh đak păng dêh char Nghệ An.
Bơnê kơ tơdrong jang mŭk drăm tơpôl lơ̆m tơring pơma hơtŭm păng tơdrong hơrih đe kan ƀô̆ bơngai jang tơ̆ Anih gru gra hơnơ̆ng đei hơtŏk, mă thoi noh, Tổng Bí thư adoi sơkơ̆t, Đảng păng Teh đak hơnơ̆ng tơrĕk tơgŭm ăn dôm unh hnam mă teh đak tơchơ̆t tơgŭm vă đei tơdrong hơrih tơnăp hloh hăm tơdrong ưh đei prơih lê̆ bơngai yơ tơ̆ rŏng.
Viết bình luận