Pơma tơ̆ jơ bơ̆ jang, Tổng Bí thư Tô Lâm athei chih mă hơdăh păng tơlĕch trong jang mă ‘lơ̆ng kiơ̆ tơdrong tơchơ̆t 71 vă gơ̆h jang đei jơnei păng mât lơ̆m tơdrong arih xa, athei hơmet pơ ‘lơ̆ng tơdrong, trong jang ‘nŏh ‘lơ̆ng mă lei mưh bơ̆ jang ‘nŏh ưh đei yoa, atŭm hăm ‘nŏh pơjao ăn Khul chĕp kơ̆l Đảng lơ̆m Anih tơm vei lăng pơtho pơhrăm hơnơ̆ng chih iŏk rim nơ̆r pơma tơgop tơ̆ hop akŏm vă hơmet pơ ‘lơ̆ng tơdrong jang kiơ̆ Tơdrong tơchơ̆t đơ̆ng Anih tơm Chinh trĭ, tơroi ăn Khul kơdră teh đak kĭ ăn.

Tổng Bí thư tơtă, athei tơƀôh hơdăh dôm tơdrong kăl jang dang ei hloi, chih hơdăh khei ‘năr jang păng pơjao hơdăh hơnăp jang vă pơm ‘lơ̆ng ăn tơdrong pơtho pơhrăm. Pơm thoi yơ vă hơtuch kơnh athei hơtŏk đei tơdrong ‘lơ̆ng ăn tơdrong pơtho păng hŏk. Đảng, Teh đak gô tơrek păng pơjing rim tơdrong ‘lơ̆ng vă anih jang gơ̆h bơ̆ jang đei dôm tơdrong đei tơlĕch lơ̆m tơdrong tơchơ̆t”.