Tang măt ăn Kơdră chĕp pơgơ̆r Đảng, teh đak pôk ăn hơnăn Khul ƀô̆ đô̆i kon pơlei nuih mơng pran kơtang pôk ăn Hơnih tơm jang kmăi kmŏk pơm tơlech tơmam drăm vei lăng sơđơ̆ng Teh đak, Tổng Bí thư Tô Lâm sơkơ̆t hơdăh, yak hloh 80 sơnăm tơ iung pơjing, iung tơblăh păng atŏk tơ iung, kang ƀô̆, ƀô̆ đô̆i, bơngai jang vei lăng sơlam teh đak găh Hơnih bơ̆ jang Khul ƀô̆ đô̆i jang găh gre sơ̆ păng Hơnih tơm jang kmăi kmŏk pơm tơlĕch tơmam drăm vei lăng sơlam teh đak dang ei hlôi tơƀôh hơdăh jơhngơ̆m đon chinh trĭ kơjăp iăp kơtang, mĭnh nơ̆r ƀơ̆r đon hăm tơdrong jang kĕch mang kơ Đảng, jơhngơ̆m đon hơdrin yak hloh tơnap tap, hơdrin kơtang, gơ̆h hơgei, tơgoăt pôm ƀơ̆r đon kơjăp hăm Kon pơlei. Khei năr ou kơnh, vă jang keh đang trong tơlĕch jang tơ iung pơjing Khul Ƀô̆ đô̆i kon pơlei Việt Nam gơh hơgei, pran kơtang, Tổng Bí thư athei Quân ủy Trung ương, Hơnih tơm Ƀô̆ đô̆i vei lăng sơlam teh đak akŏm chĕp pơgơ̆r, pơrô̆ athei Hơnih tơm jang Kmăi kmŏk pơm tơlĕch tơmam drăm vei lăng sơđơ̆ng Teh đak  tơlĕch jang kơtang, tơnăp, jơnei rim trong bơ̆ jang, pơrô̆ jang đơ̆ng Đảng, Teh đak, khul ƀô̆ đô̆i găh atŏk tơ iung kmăi kmŏk vei lăng sơđơ̆ng teh đak, iung jang hơdoi kơjăp ƀar păh vei lăng sơlam teh đak păng jang mŭk drăm, jang mŭk drăm hăm vei lăng sơđơ̆ng teh đak truh sơ năm 2030.