Tổng Bí thư Tô Lâm pơm tơm hop akŏm lơ̆m teh đak tơplih kơsô̆ teh đak
Thứ ba, 10:16, 14/01/2025 VOV/Amazưt tơblơ̆ VOV/Amazưt tơblơ̆
VOV4.Bahnar - Pơgê năr 13/1 tơ̆ Hà Nội, Hơnih tơm Chinh trĭ, Ban Bí thư pơgơ̆r hop akŏm lơ̆m teh đak găh atŏk kơtang atŏk tơ iung khoa hŏk kmăi kmŏk, tơplih ‘nao tơchăr păng tơplih kơsô̆ teh đak.

 

Iung pơma pơrô̆ tơ̆ hop akŏm, Tổng Bí thư Tô Lâm sơkơt hơdăh, khoa hŏk kmăi kmŏk ‘noh hơyak pran kơtang hloh lơ̆m atŏk tơ iung mŭk drăm tơpôl kơ lơ teh đak lơ̆m apŭng plĕnh teh tơgŭm ăn jang sa đei lơ păng kĕ pơjei kơ teh đak. Kơ yuơ lơ loh, hăm trong tơlĕch jang jing teh đak jang kmăi kmŏk hơgei lơ̆m sơnăm 2030 păng teh đak atŏk tơ iung, jang sa iŏk đei lơ lơ̆m sơnăm 2045, lơ̆m teh đak kăl lăng khoa hŏk, kmăi kmŏk, tơplih ‘nao tơchăr păng tơplih kơsô̆ ‘noh jing tơdrong jang kăl hloh. Găh tơdrong jang pơđĭ lơ̆m khul chinh trĭ khei năr ou kơnh, Tổng Bí thư athei, hơnhăk tơdrong tơchơ̆t mơ̆t lơ̆m hơrih sa ‘lơ̆ng hơ iă păng tơtom; rim hơnih jang, rim tơring kăl kơrŭn đĭ ai iung jang, ưh kơ gơ̆h hiơ̆ hyĭn. Tổng Bí thư athei, tĕnh koăng jang keh đang tơdrong tơchơ̆t, trong bơ̆ jang lơ̆m sơnăm 2025, roi hrôih roi ‘lơ̆ng kăh keh đang tơdrong hơmet ming, tơmơ̆t dơ̆ng dăh mă pơjing ‘nao rim tơdrong tơchơ̆t khôi luơ̆t, trong bơ̆ jang, hơmet pơ ‘lơ̆ng rim tơdrong tơhlăk tơhlĭn, tơdrong găn ga vă atŏk tơ iung khoa hŏk, kmăi kmŏk, tơplih ‘nao tơchăr păng tơplih kơsô̆, tơlĕch jang kơtang trong jang tơchăr hơgei, pơtrŭt kơtang nơ̆r pơma tơ-‘ngla iung jang hloi, pơ̆n chiu pŭ dôm tơdrong kơdih iung jang.

VOV/Amazưt tơblơ̆

Viết bình luận

TIN CÙNG CHUYÊN MỤC