Ƀok Thongloun Sisoulith chơt hơiă păng pơma hơdăh hăm tơdrong chĕp kơ̆l pơgơ̆r gơ̆h hơgei đơ̆ng Đảng Cộng sản Việt Nam, lơ̆m 95 sơnăm âu ki păng gĭt kăl hlŏh jĭ 80 sơnăm pơjing teh đak, Việt Nam jang đei lơ tơdrong jơnei tih tên, ‘lơ̆ng hơiă păng rim tơdrong tơplih ‘nao, sơđơ̆ng ‘lơ̆ng chinh trĭ, jang tŏk mŭk drăm hrĕnh păng kơjăp, pơih xă tơdrong pơvei jang tơbôl, hơnăp jang păng anih dơ̆ng lơ̆m apŭng plenh teh đơ̆ng Việt Nam tŏk hơnơ̆ng tơ̆ tơring păng lơ̆m apŭng plenh teh; ăn ƀôh ƀai hŏk gĭt kăl vă Lào adrin jang tŏk păng pơjing teh đak.

Ƀar ‘nu kơdră chĕp kơ̆l hơnơ̆ng hơtŏk tơdrong jang hơdoi, pơih xă trong mât hơdai hăm apŭng plenh teh, vei lăng kơjăp ‘lơ̆ng tơdrong sơđơ̆ng, pơvih ăn tơdrong jang tŏk păng tơdrong đei yoa kơ kon pơlei 2 teh đak. ‘Moi kiơ̆ tơdrong juăt tôch kăp gĭt âu, 2 teh đak vă hơtŏk tơdrong jang hơdoi mưh mât hơdai hăm apŭng plenh teh, yoa tơdrong rơngei, sơđơ̆ng ‘lơ̆ng, jang hơdoi păng tŏk pơdrŏng tơ̆ tơring păng lơ̆m apŭng plenh teh.