Tơ̆ jơ sơng, Tổng Bí thư Tô Lâm pơma hơdăh, ‘măng năm ngôi đơ̆ng khul tang măt ăn Anih vei lăng đak dơsĭ teh đak Nga tơƀôh hơdăh tơdrong đei yoa ‘lơ̆ng đơ̆ng tơdrong pơvei 2 pang, mă loi sư tơƀôh hơdăh dôm tơdrong drơ̆ng nơ̆r tôch đei yoa đơ̆ng kơdră chĕp kơ̆l 2 teh đak. 

Tổng Bí thư Tô Lâm pơma hơdăh Việt Nam jĭ teh đak tơter đak dơsĭ, vă jang đei dôm tơdrong gĭt kăl găh atŏk tơiung teh đak tơ̆ hơnăp kơnh, Việt Nam athei jing teh đak đei đak dơsĭ pran kơtang, tơgop ‘lơ̆ng ăn tơdrong rơngei, sơđơ̆ng ‘lơ̆ng, jang hơdoi păng jang tŏk tơ̆ tơring păng lơ̆m apŭng plenh teh; athei teh đak Nga hăm hơnăp jang đơ̆ng 1 teh đak tih, pơdrŏng đei lơ tơdrong juăt jang găh đak dơsĭ vang tơgŭm păng jang hơdoi hăm Việt Nam kiơ̆ trong 2 păh đei yoa ngăl, lăp hăm tơdrong pơvei ‘lơ̆ng hơiă đơ̆ng sơ̆ păng jang hơdoi gĭt kăl tôm tơdrong đơ̆ng 2 teh đak.