Tổng Bí thư Tô Lâm păng Phŏ Thủ tướng, Kơdră Đảng Dato’ Seri Dr. Ahmad Zahid Hamidi hlôi pơma dơnuh găh tơdrong 2 Đảng, 2 teh đak păng dôm tơdrong hơtŏk tơiung gĭt kăl lơ̆m jang hơdai 2 pang đơ̆ng Việt Nam păng Malaysia khei ‘năr âu ki.

Tổng Bí thư Tô Lâm athei Phŏ Thủ tướng, Kơdră tơm vei lăng găh tơdrong Hơtŏk tơiung Tơring Malaysia hơnơ̆ng bơngơ̆t truh, athei rim anih jang kơpal jang hơdai hăm dôm anih jang kơ Việt Nam pơtrŭt, hơtŏk đei yua tơmam jang hơdai đơ̆ng 2 păh; pơm tơdrong hiôk  hloh dơ̆ng ăn tơmam đơ̆ng choh jang sa pơm tơlĕch, ka hơdang, tơmam sa Việt Nam lơ̆m anih tĕch mơdro Malaysia. Việt Nam gô hơnơ̆ng pơtruh phe sơđơ̆ng ăn Malaysia păng tơgŭm tơdrong hlôh vao găh hơtŏk tơiung choh jang sa, lơ̆m noh đei phe ƀa, cheh phe hăm Malaysia.