Tổng Bí thư pơtruh nơ̆r apĭnh jet gia, ƀlŏk hơdơ̆r kơ đe kră jang kach mạng, dôm bơngai năm hơdrol păng bơngai tang măt Quốc hội kiơ̆ rim jơhnơr. Ƀok pơma hơdăh, 80 sơnăm âu ki, Quốc hội Việt Nam ling lang yak hơdai hăm hơdrĕch hơdrŭng, jĭ hơnih pơma dơnuh, tơchơ̆t dôm tơdrong gĭt kăl, tơƀôh đon hơdrin, ‘meh vă đơ̆ng kon pơlei.

Tơroi tơ̆ hơnăp hloh 2.200 ‘nu bơngai tang măt, Tổng Bí thư tơroi hơdăh trong vă jang hơtŏk tơiung teh đak tơ̆ hơnăp kơnh, mă loi ‘noh jĭ jang kiơ̆ jơnei tơdrong Tơchơ̆t Hop akŏm XIII păng hơmet ‘lơ̆ng ăn Hop akŏm XIV kơ Đảng. Ƀok pơma hơdăh 3 trong vă jang: vei sơđơ̆ng tơdrong pơm tơm kơdih hơgăt teh păng sơđơ̆ng tơpôl; hơtŏk tơiung hrĕnh, kơjăp, ưh kơ pơdơh hơtŏk ‘lơ̆ng tơdrong hơrih sa tơmam drăm, jơhngơ̆m đon kơ kon pơlei.