Roi tơbăt chĭnh trĭ tơroi rơđăh, jăl jang âu ki Anih jang Đảng păng rim kơdră đảng hlôi vei kơjăp gĭt kăl Tơdrong tơchơ̆t Hop akŏm XIII, dôm tơdrong tơchơ̆t, pơtôch đơ̆ng Trung ương păng hop akŏm đảng bộ rim tơring. Mă loi ‘noh, đơ̆ng jăl khei mă IV/2024, Anih tơm Chĭnh trĭ, Ban Bí thư yua đơ̆ng ƀok Tổng Bí thư Tô Lâm chĕp kơ̆l hlôi tơtom chĕp kơ̆l pơgơ̆r lơ hơnăp jang gĭt kăl, ‘lơ̆ng.

Pơma pơgơ̆r, Tổng Bí thư athei Hop akŏm akŏm pơma dơnuh, hơlen lăng tôm tơdrong athei, hơnăp jang lơ̆m jăl jang ‘nao. Tổng bí thư pơma hơdăh, jăl jang truh, khŭl jang đảng păng đảng viên lơ̆m Đảng bộ dôm anih jang Đảng Trung ương athei tơpă pơm jŭk yŭk trong hơlâu, jang ‘lơ̆ng, năm hơdrol lơ̆m rim tơdrong jang bơ̆jang, vei sơđơ̆ng tơdrong chĕp kơ̆l đơ̆ng Đảng lơ̆m đĭ đăng rim tơdrong hơrih sa tơpôl, tơgop bơ̆jang kiơ̆ ‘lơ̆ng tơdrong hơgăt hơtŏk tơiung teh đak hrĕnh, kơjăp.