Tang măt đe kơdră chĕp kơ̆l Đảng, Teh đak pơjao Mê đai Hồ Chí Minh hơpăh ăn Thông Tấn xã Việt Nam, Tổng Bí thư Tô Lâm pôk pơ ư dôm kŏng jang, tơdrong tơgop đơ̆ng rim jơhnơr kơdră chĕp kơ̆l, kang ƀô̆, bơngai chih kơtơ̆ng ang, bơngai jang ki thuơ̆t, bơngai jang lơ̆m Thông tấn xã Việt Nam hloh rim jơhnơr hăm tơdrong jang kach mang kơ Đảng păng hơdrĕch hơdrŭng kŭm nhen tơgop pơm đei chih iŏk dôm tơdrong kăl đơ̆ng tơdrong jang hla ar tơroi kach mang Việt Nam; pơma hơdăh, 80 sơnăm âu ki Thông tấn xã Việt Nam ling lang jing anih jang roi tơbăt gĭt kăl, anih jang chih kơtơ̆ng ang tơm lơ̆m tơdrong jang roi tơbăt kơ teh đak.

Tổng Bí thư athei, tơ̆ hơnăp kơnh dôm bơngai jang chih hla ar tơroi kơ Thông tấn xã Việt Nam kăl ưh kơ pơdơh pơhrăm jơhngơ̆m nuih chĭnh trĭ kơjăp, kiơ̆ tơpăt hăm đon tơchĕng kach mang, tơƀôh hơdăh hơnăp jang ‘noh jĭ dôm bơngai jang năm hơdrol, jang đang gơh hơgei rim hơnăp jang mă Đảng păng teh đak pơjao, roi tơbăt jrŭ să trong jang tơgŭm, khôi luơ̆t păng jơnei hơtŏk tơiung kơ Việt Nam, tơgop pơm ‘lơ̆ng dơ̆ng đon lui păng tơdrong drơ̆ng lăp lơ̆m tơpôl; tơƀôh tơdrong hơiă păng tơiung tơdrong hơpơi ‘meh plang pơyơ̆r đơ̆ng pơđĭ tơpôl ăn tơdrong jang hơtŏk tơiung teh đak.