Iung pơma pơtôch hop akŏm, Tổng Bí thư Nguyễn Phú Trọng pơma hơdăh, au ki rim hơnih bơ̆ jang hlôi iung jang hơdoi roi năr roi jơnei, lăp mĭnh ƀơ̆r đon iung jang, đei jơnei ƀôh hơdăh, kon pơlei lăng hơlen păng tơbăt jơhngơ̆m lăp đon.

Găh tơdrong jang truh au kơnh, Khul chĕp pơgơ̆r Hơnih chĕp pơgơ̆r tang găn sa pơgơ̆m pơjĭp athei rim kơdră chĕp pơgơ̆r đảng, hơnih bơ̆ jang đảng, hơnih bơ̆ jang au to hơnơ̆ng atok kơtang iung jang tơjră, tang găn sa pơgơ̆m pơjĭp pơm glăi hăm trong “kơrŭn đĭ jơhngơ̆m, nŏng tôch ai, ưh pơdơ̆h, ưh kơ đei hơnih lon, ưh kơ lon bơngai bu,” tơlĕch jang kiơ̆ jơnei rim tơdrong jang tang găn sa pơgơ̆m pơjĭp kiơ̆ Nơ̆r pơma pơtôch ‘Măng hop akŏm mă 23 đơ̆ng Tổng Bí thư, Kơdră chĕp pơgơ̆r Hơnih pơrô̆ chĕp pơgơ̆r păng Trong bơ̆ jang sơnăm 2023 kơ Hơnih chĕp pơgơ̆r.