Lơ̆m jơnăr năm ngôi tơ̆ Cộng hòa Cuba, Kơdră Kuôk hô̆i Vương Đình Huệ tơchĕng hơdrol gô đei ƀai pơma tơ̆ Kuôk hô̆i Cuba ƀlep lơ̆m ‘năr 19/4, năr jơnei Girón (19/4/1961-19/4/2023) păng kŭm jing năr Kuôk hô̆i Cuba jăl X gô pơgơ̆r ‘măng hop akŏm mă blŭng đơ̆ng ‘măng Pôk rơih pơgơ̆r ‘năr 26/3 âu ki. ‘Nâu jĭ 1 “tơdrong jang jơhnơr arih” păng “tôch kơ gĭt kăl” yua kơ tơdrong ‘nâu lăp gơh đei ƀôh yua đơ̆ng ‘noh jĭ tơdrong pơvei Cuba-Việt Nam păng yua kơ tơdrong pơvei “tôch kơgĭt kăl” đơ̆ng 2 teh đak.

Tơchĕng hơdrol lơ̆m ‘măng năm ngôi tơ̆ Cuba, kơdră chĕp kơ̆l Kuôk hô̆i 2 teh đak gô kĭ Drơ̆ng nơ̆r găh pơjing trong jang hơdai 2 nghị viện đơ̆ng 2 Kuôk hô̆i vă hơtŏk loi dơ̆ng pơma dơnuh tơdrong hlôh vao bơ̆jang kŭm nhen tơgŭm dih băl tơ̆ dôm hop akŏm lơ nghị viện tơring păng apŭng plĕnh teh; vang jang hơdai pơtrŭt dăr hơlen dôm tơdrong drơ̆ng nơ̆r jang hơdai đơ̆ng 2 păh, kiơ̆ đơ̆ng noh hơnhăk jang hơdai đơ̆ng Việt Nam păng Cuba roi ‘năr roi ‘lơ̆ng păng đei yua.