‘Noh nơ̆r tơchơ̆t hơdăh đơ̆ng Kơdră chĕp pơgơ̆r Hơnih bơ̆ jang vei lăng Choh jang sa Mi Thomas Vilsack tơ̆ jơ tơƀơ̆p pơma dơnuh hăm khul chih kơtơ̆ng ang kơsơ̆ năr 19/4 tơ̆ Hà Nội, ƀlep lơ̆m ‘măng năm tơmang Việt Nam. ‘Măng năm tơmang găh lơ̆m rim trong pơgơ̆r tơbăt 10 sơnăm pơjing tơbôl Jang sa hơdoi gĭt kăl tôm tong Việt Nam-Mi, lăng truh hơmet pơ ‘lơ̆ng tơgoăt tơgoăl dih băl, adoi pơm hơtŏk loi dơ̆ng tơgoăt tơgoăl mơdro sa ƀar teh đak.

Tơ̆ jơ tơƀơ̆p hăm khul chih kơtơ̆ng ang, Kơdră chĕp pơgơ̆r Hơnih bơ̆ jang vei lăng Choh jang sa Mi Thomas Vilsack pơma hơdăh, tơgoăt tơgoăl Mi-Việt Nam tŏk bŏk roi năr roi ‘lơ̆ng hơ iă hloh, mă kăl jô̆ đơ̆ng rŏng ƀar teh đak pơjing tơgoăt tơgoăl jang hơdoi tôm tong. Găh tơdrong pơih să rơvơn mơdro sa ƀar teh đak, mă kăl lơ̆m tơdrong jang choh jang sa, ƀok Vilsack hlôi bơ̆ jang hăm rim hơnih bơ̆ jang ƀơm truh vă tơchă rơvơn vă tĕch mơdro dôm tơmam drăm ‘nao đơ̆ng Mi năm tơ̆ Việt Nam păng đơ̆ng Việt Nam năm tơ̆ Mi.