Tơ̆ ‘măng tơƀơ̆p hăm Kơdră chĕp pơgơ̆r Kuô̆k hô̆i Hàn Quốc, Kơ iĕng Kơdră chĕp pơgơ̆r Kuô̆k hô̆i Việt Nam Nguyễn Đức Hải sơkơ̆t hơdăh, Việt Nam lăng kơjăp atŏk tơ iung tơgoăt tơgoăl hăm Hàn Quốc păng ‘meh vă ƀar păh atŭm dih băl iung jang kơtang hloh dơ̆ng tơdrong tơgoăt tơgoăl “Jang hơdoi gĭt kăl tôm tong”, đơ̆ng nŏh pơ̆ih ‘nao chăl atŏk tơ iung ‘lơ̆ng hơ iă, iŏk đei jơnei lơ̆m khei năr kơnh.

Vă pơtrut kơtang tơgoăt tơgoăl jang hơdoi ƀar păh hơnih bơ̆ jang pơjing khôi luơ̆t ƀar teh đak iung jang kơtang hloh dơ̆ng, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải athei ƀar păh lăng hơlen tơmơ̆t dơ̆ng rim tơdrong jang hơdoi ‘moi kiơ̆ drơ̆ng mĭnh nơ̆r jang hơdoi hlôi kĭ pơkăp ƀar păh Kuô̆k hô̆i đơ̆ng sơnăm 2013, atŏk kơtang jang hơdoi, tơgŭm djru dih băl lơ̆m hop akŏm khul nghĭ viên lơ̆m tơring păng apŭng plĕnh teh, tơgop kơtang vei lăng rơngei, sơđơ̆ng kơ tơring păng apŭng plĕnh teh.