Đơ̆ng rŏng 32 sơnăm pơjing păng atŏk tơ iung, hơnih bơ̆ jang oei tơ̆ Tây Nguyên hlôi sơkơ̆t hơdăh hơnih dơ̆ng kơ hơnih bơ̆ jang chih kơtơ̆ng ang Trung ương oei tơ̆ tơring, đei hơnăp jang tôch gĭt kăl lơ̆m bơ̆ jang rapor nơ̆r kon kông lơ̆m trong hơyuh rapor teh đak. Atŭm hăm bơ̆ jang rapor 6 nơ̆r: Ê Đê, J'rai, Bahnar, Xơ Đăng, Kơ Ho,  păng M'Nông-hyup iŏk păng rơre tơdrong tơroi nơ̆r Mông, nơ̆r Thái, Hơnih bơ̆ jang oei tơ̆ Tây Nguyên oei bơ̆ jang chih răk tơƀăk vei dôm tơdrong tôn chĭng chêng, tơdrong hơri, tơdrong tơroi kră sơ̆ Tây Nguyên; chă tơchĕng hơlen khoa hŏk tơgŭm ăn tơblơ̆ nơ̆r păng pơre nơ̆r kon kông; tơroi tơbăt tôm tơdrong hơrih sa mŭk drăm-chinh trĭ, tơpôl hăm rim hơnih chih kơtơ̆ng ang kơ Radiô Nơ̆r pơma Việt Nam. Ƀok Đinh Hữu Trường, Kơdră so chĕp pơgơ̆r Khul chih kơtơ̆ng ang VOV Tây Nguyên pơma tơbăt jơhngơ̆m đon, tơdrong mĭnh jơhngơ̆m đon, tơgoăt tơgoăl dih băl kơjăp kơ khul kang ƀô̆, bơngai jang lơ̆m Hơnih bơ̆ jang gô jing jơhngơ̆m pran vă hơnơ̆ng bơ̆ jang keh đang rim tơdrong jang lơ̆m chăl ‘nao, yak hơdoi hăm teh đak, tơring, tơƀôh đei jơhngơ̆m đon “tơgoăt tơgoăl pôm nơ̆r ƀơ̆r đon-yak hloh tơnap tap-hơbĕch hơbal-gơh hơgei-‘lơ̆ng hơ iă”.