VOV4.Bahnar - Dơnŏ anĭh vei lăng Chŏh jang sa păng Atŏk tơ iung tơring tơrang dêh char Lâm Đồng tơbăt, tŏk bŏk jang kiơ̆ trong vă jang atŏk tơ iung chŏh jang sa tŭh phŏng mơ̆r jăl jang 2020 - 2025 hăm trong tơlĕch jang atŏk tơ iung lang să tĕh jang sa tŭh phŏng mơ̆r đei trŭh 1.600 ha. Lâm Đồng hrei au jing dêh char yak hơlau lơ̆m tĕh đak chŏh jang sa jang kiơ̆ kmăi kmŏk hơgei păng atŏk tơ iung chŏh jang sa gơ̆h hơgei. Lơ̆m au, chŏh jang sa kmăi kmŏk hơgei đei 62.000 ha. Chŏh jang sa jang kiơ̆ kmăi kmŏk hơgei đei dang 50 ha ‘nhot pơtăm hăm đak păng 195 ha chŏh jang sa ‘long pơtăm jang kiơ̆ kmăi kmŏk gơ̆h hơgei đei băt tŏ tơngiĕt, mơ̆r lơ tŏ sĕt ăn ‘long pơtăm. Chŏh jang sa hăm kmăi kmŏk gơ̆h hơgei lơ̆m dêh char iŏk đei 180 trĭu hlak jên lơ̆m 1 ha, 1 sơnăm. Mă kăl, chŭn ‘nhot jang kiơ̆ kmăi kmŏk hơgei jang sa iŏk đei đơ̆ng 400 - 500 trĭu hlak jên lơ̆m 1ha 1 sơnăm, jang pơtăm pơkao iŏk đei đơ̆ng 800 trĭu - 1 ti 200 trĭu hlak jên lơ̆m 1 ha 1 sơnăm.

Tơblơ̆ nơ̆r: Amazưt