VOV4.Bahnar - Anĭh vei lăng kơ măy kơ mŏk mơ dro sa Lâm Đồng ‘nao apĭnh Anĭh vei lăng kon pơ lei dê̆h char đei hla ar athei hăm Anĭh tơm jang tơ bôl, Anĭh tơm vei lăng găh kơ măy kơ mŏk mơ dro sa găh tơ drong set hơ len tơ gŭm krao hơ vơn tơ chă rim anĭh pơ trŭh, kŭm nhen krao hơ vơn anĭh jang mơ dro sa tơ mơ̆t jên jang pơm tơ lĕch kơ tăp hơ drông pơm brai lơ̆m tĕh đak. Rim anĭh jang mơ dro sa athei dê̆h char pơm hơ nĭh kơ tăp yŏng hơ drông pơm brai sơ đơ̆ng tơ̆ dê̆h char Lâm Đồng dăh mă lơ̆m hơ găt tĕh Việt Nam. Anĭh tơm jang tơ bôl, Anĭh tơm vei lăng găh kơ măy kơ mŏk Việt Nam tŏk bŏk jang hơ dai hăm anĭh tang măt Việt Nam tơ̆ Côn Minh - Trung Quốc tơ gŭm tơ chă lơ hơ nĭh pơ trŭh kŭm nhen anĭh jang mơ dro sa kĕ tơ mơ̆t jên jang pơm tơ lĕch kơ tăp hơ drông yŏng pơm brai vă pơm lăp hăm ‘mĕh vă đơ̆ng anĭh jang găh brai, che. Kiơ̆ kơ Anĭh vei lăng găh kơ mŏk kơ mŏk mơ dro sa dê̆h char, Lâm Đồng dang ei đei 9.100 hek tar ‘long mơ mur, ‘mĕh vă kơ tăp hơ drông pơm brai yŏng vă dang 286 rơ bâu kơ hôp 1 sơ năm păng tŏk 5% rim sơ năm.

Thuem: Tơ blơ̆