VOV4.Bahnar - Đơ\ng ro\ng 5 sơ năm jang kiơ\ pơ jing tơ ring tơ rang ‘nao, gơ nang đơ\ng tơ drong jang krao hơ vơn kon pơ lei [lep, kon pơ lei apu\ng Đam Rông, de#h char Lâm Đồng hlôi tơ pl^h đon hlo#h vao, kơ chăng vang tơ gop mu\k drăm lơ\m pơ jing tơ ring tơ rang ‘nao, pơm ăn um ai tơ ring tơ rang kơ apu\ng Đam Rông hlôi đei lơ tơ pl^h ‘lơ\ng, tơ drong ar^h sa tơ mam drăm, jơ hngơ\m đon kơ kon pơ lei oei sa lơ\m tơ ring tơ rang [rư\ [rư\ đei tơ pl^h ‘lơ\ng.  

      Apu\ng Đam Rông, de#h char Lâm Đồng đei 8 xăh, găh tơ ring hơ tăih hơ to\ ngăl, hăm dang 73% ‘no\h j^ bơ ngai kon kông, tơ drong ar^h sa mu\k drăm tơ pôl, tơ drong hlo#h vao lăm kon pơ lei lăng atu\m oei to\ se\t pơ têng hăm tơ drong hơ to\ atu\m kơ de#h char Lâm Đồng, ku\m nhen kơ lơ\m te\h đak. Kơ l^h thoi no\h, hơ vơn jơ hngơ\m pran đơ\ng kon pơ lei vang tơ gop pơ jing tơ ring tơ rang ‘nao ‘no\h j^ 1 tơ drong mơ mat tat hăm apu\ng. Hlo#h đei tơ drong ‘no\h, an^h krao hơ vơn kon pơ lei apu\ng Đam Rông, jang tơ gu\m khu\l che\p kơ\l pơ gơ\r an^h jang Đảng apu\ng tơ le\ch trong jang kiơ\ păng pơ jing khu\l tơ drong pơ gơ\r tơ drong jang pơ jei băl “ krao hơ vơn kon pơ lei hơ gei” lơ\m pơ jing tơ ring tơ rang ‘nao. Kiơ\ kơ ‘no\h, An^h krao hơ vơn kon pơ lei rim tơ ring jang hơ dai hăm Mặt trận Tổ quốc, rim khu\l gru\p, rim tơ ring, rim an^h jang ako\m tơ roi tơ băt tơ drong tơm, tơ drong ‘lơ\ng đơ\ng tơ drong jang pơ jing tơ ring tơ rang ‘nao, ‘moi kiơ\ rim trong pơ gơ\r hop ako\m, tơ gep ho\k hôp tơ\ rim pơ lei pơ la, rim khu\l gru\p tơ pôl, rim tơ drong jang pơ\ih pơ re nơ\r lơ\m aloa tơ ring, pơ jing bơ\n pa nô, áp phích, băng rôn, ch^h chư tơ roi tơ băt…Lơ\m no\h lăng kăl tơ roi tơ băt jru\ xă rim tơ drong tơm hơ dăh ‘lơ\ng nhen: tơ pl^h trong jang ‘long pơ tăm, kon tơ rong, tơ mơ\t yua khoa học kỹ thuật lơ\m cho\h jang sa, pơ jing tơ drong ar^h sa ‘lơ\ng hơ iă lơ\m kon pơ lei kon kông, dôm trong jang hơ iă, dôm tơ drong ‘lơ\ng lơ\m pơ jing tơ ring tơ rang ‘nao, vă pơ jing tơ drong lang xă lơ\m tơ pôl kon pơ lei oei sa. Kiơ\ đơ\ng no\h pơm hơ to\k tơ drong jang pơ jei băl “ 1 jơ hngơ\m đon pơ jing tơ ring tơ rang ‘nao” lơ\m rim tơ ring, rim an^h jang kơ apu\ng.

          Kiơ\ đơ\ng tơ drong jang pơ jei băl “ Krao hơ vơn kon pơ lei hơ gei” lơ\m pơ jing tơ ring tơ rang ‘nao, hlôi đei [o#h roi ‘năr roi lơ trong jang hơ iă, dôm tơ drong ‘lơ\ng. Tru\h dang ei, lơ\m apu\ng hlôi pơ jing đei 358 tơ drong jang ‘lơ\ng lơ\m rim tơ drong jang, lơ\m no\h đei 240 tơ drong jang lơ\m jang mu\k drăm, 53 tơ drong jang lơ\m jang jo\h ayo\ tơ pôl. Kiơ\ đơ\ng dăr hơ len lăng, an^h krao hơ vơn kon pơ lei apu\ng hlôi jang tơ gu\m ăn kơ an^h jang đảng apu\ng sơ kơ\t 17 tơ drong jang hơ nhăk ăn đei yua t^h tên lơ\m tơ drong ar^h sa mu\k drăm, tơ pôl kơ tơ ring, vă io\k kiơ\ tơ drong hlo#h vao, lang xă, pơ jing jơ hngơ\m pran pơih xă lơ\m tơ pôl.   

Tơ drong kăl kơ tơ roi ‘no\h j^, hăm tơ drong lang xă đơ\ng rim trong jang hơ iă, tơ drong jang ‘lơ\ng lơ\m tơ drong jang pơ jei băl “ Krao hơ vơn kon pơ lei hơ gei” lơ\m pơ jing tơ ring tơ rang ‘nao, hlôi [ơm ‘lơ\ng pran kơ tang tru\h tơ\ kon pơ lei, kơ na sơng đei kon pơ lei hơ drin vang jang pơ jing tơ ring tơ rang ‘nao hăm dôm tơ drong jang hơ dăh ‘lơ\ng, đei yua. Pơ t^h gia nhen, lăp lơ\m dang 2 sơ năm (2012 - 2013) hlôi đei hlo\h 12.000 u\nh hnam kon pơ lei vang tơ gop hlo\h 445 triệu hlak jên, vă je# 5.500 năr jang păng plang song hlo\h 300.000m2 te\h vă pơm trong nơ năm lơ\m pơ lei, pơm hơ bong pơ ro đak, rim tơ drong jang đei yua ăn tơ pôl. Gơ nang đơ\ng no\h, apu\ng Đam Rông ư\h khan 62 apu\ng 30a kơ lơ\m te\h đak, mă oei io\k đei jơ nei ‘lơ\ng lơ\m pơ jing tơ ring tơ rang ‘nao. Mă hơ dăh ‘no\h, tru\h dang ei, ‘ngoăih kơ xăh Đạ R’Sal hlôi jang đang ‘lơ\ng 19/19 tơ drong tơ chơ\t tơ ring tơ rang ‘nao, oei đei 2 xăh (Đạ Tông, Rô Men) jang đang đei 13/19 tơ drong tơ chơ\t, 1 xăh (Phi Liêng) jang đang đei 10/19 tơ drong tơ chơ\t, 3 xăh (Đạ M’rông, Liêng Srônh, Đạ K’Nàng) jang đang đei 8-9/19 tơ drong tơ chơ\t, 1 xăh (Đạ Long) jang đang đei 6/19 tơ drong tơ chơ\t tơ ring tơ rang ‘nao. ‘Nâu j^ tơ drong jơ nei kăl kơ ch^h io\k đơ\ng tơ drong jang pơ jei băl “ Krao hơ vơn kon pơ lei hơ gei” lơ\m pơ jing tơ ring tơ rang ‘nao tơ\ apu\ng Đam Rông.

Thuem tơ blơ\