VOV4.Bahnar - Io\k yoa dôm tơ drong ‘lơ\ng đơ\ng groi te\h, to\ ‘mi kial, ku\m hăm đon adrin ho\k pơ hrăm jang xa kiơ\ trong jang hăm kơ măy kơ mo\k ‘nao, lơ bơ ngai K’ho tơ\ xăh Dă Sar, apu\ng Lạc Dương, d/c Lâm Đồng jang to\k, pơ jing đei tơ drong arih xa hiôk sơ đơ\ng. Đon tơ che\ng tơ plih ming trong jang xa đơ\ng kon pơ lei vang tơ gop chơng hơ nhăk Dă Sar to\k jing xăh kon kông mă 2 jang ke\h tơ drong pơ jing tơ ring tơ rang ‘nao tơ\ apu\ng Lạc Dương.

Sơng nhôn lơ\m hnam t^h ‘lơ\ng păng tôm te\ch tơ mam yua lơ\m hnam, yă Liêng Jrang K’Sáu, oei tơ\ thôn 4, xăh Đạ Sar, apu\ng Lạc Dương (Lâm Đồng) tơ roi tơ băt, 3 sơ năm hơ drol, u\nh hnam yă oei găh u\nh hnam mơ mat tat. Đơ\ng năr pơ\n tơ pl^h 3 sao te\h che\h phe kră krut, ăn plei to\ se\t jing pơ tăm ‘nhot sa tơ mơ\t yua kơ măy kơ mo\k ‘nao ‘no\h mu\k drăm hơ to\k tơ iung hơ dăh. Ku\m hăm tơ drong tơ pl^h ‘lơ\ng tơ drong ar^h sa, u\nh hnam yă oei chă pơ kom đei jên lơ vă hơ nơ\ng pơ\ih să tơ drong jang cho\h pơ tăm. Dang ei u\nh hnam hlôi hơ to\k ako\p te\h ‘nhot to\k vă je# 1 hec tar păng tơ che\ng vă jang lơ\m sơ năm 2018 gô tơ pl^h dơ\ng 1 păh te\h jing pơ tăm pơ kao păng ‘long pơ gang Atisô. Yă Liêng Jrang K’Sáu tơ roi tơ băt:

“Sơ\, kon pơ lei tơ\ xăh Dạ Sar pơ tăm lơ ‘no\h j^ ‘long che\h phe. Tơ drong hơ găt đơ\ng an^h jang Đảng xăh krao hơ vơn kon pơ lei sut hu\t te\h ‘long che\h phe kră, sut hu\t dôm ‘long pơ tăm ư\h kơ lăp hăm te\h păng to\ ‘mi kial, tơ mơ\t lơ\m pơ tăm ‘long đei kơ jă te\ch măk, nhen tơ pl^h jing pơ tăm dôm ‘long kơ đe\h năr: ‘nhot, tơ\h, pơ kao...hlôi hơ nhăk ăn kơ kon pơ lei tơ drong ar^h sa hơ to\k tơ iung [iơ\ nhen pơm hnam, đei tơ drong hiôk vei lăng ăn kon hơ ‘lơ\p ho\k pơ hrăm tru\h trong.

Dang ei lơ\m tơ ring kon kông oei tơ\ xăh Đạ Sar to\k bo\k đei 1 tơ drong tơ pl^h đon hlo#h vao lơ\m pơ gơ\r cho\h jang sa kiơ\ trong pơm tơ le\ch tơ mam drăm. Mă hơ dăh, hlôi đei hlo\h 120 u\nh hnam tơ pl^h jơ nei đơ\ng che\h phe jing pơ tăm ‘nhot – pơ kao rim kơ loăi kiơ\ trong kơ măy kơ mo\k ‘nao, ăn kơ jă muk drăm tôch kơ lơ. Kiơ\ kơ kră pơ lei Kră Jăn Ha Đời, oei tơ\ thôn 3, xăh Đạ Sar, đơ\ng tơ drong tơ mơ\t yua khoa ho\k ki thuơ\t ‘nao lơ\m cho\h pơ tăm vă hơ to\k io\k yua, tơ pl^h ‘lơ\ng tơ drong ar^h sa, kon pơ lei oei jang kiơ\ ‘lơ\ng rim tơ drong jang pơ jei băl ‘mêm kơ te\h đak, vei lăng bri, tơ gop jên, mu\k drăm, plang song te\h pơm trong nơ năm, hnam trưng ho\k, hnam ho\k hôp, dơ nâu mong đak... Rim pơ lei pơ la rim năr ‘no\h roi rơ go\h ‘lơ\ng hlo\h. Dôm tơ drong joăt ư\h kơ ‘lơ\ng so sơ\ ku\m hlôi đei hu\t, tơ drong ‘mêm pơ lei kueng [ôt roi ‘năr roi hơ to\k, gru\p 1 jơ hngơ\m đon hơ dre\ch hơ dru\ng roi đei hơ met ming păng hơ to\k tơ iung dơ\ng:

“Khei ‘năr âu ki, kon pơ lei mơ\ng kiơ\ tơ drong krao hơ vơn đơ\ng Đảng, te\h đak hlôi băt tơ mơ\t yua khoa ho\k ki thuơ\t lơ\m jang sa, mă hơ dăh lơ\m vei rong kon tơ rong, pơ tăm ‘long che\h phe, pơ tăm dôm kơ loăi ‘nhot... păng hơ dai hăm tơ drong vei lăng bri. Gơ nang đơ\ng Đảng, te\h đak krao hơ vơn tơ roi tơ băt tru\h tơ\ rim u\nh hnam, pơ lei pơ la kơ na kon pơ lei đei hlo#h vao roi ‘năr roi hơ to\k ‘lơ\ng. Mă loi ‘no\h j^ kon pơ lei hlôi băt păng jang kiơ\ ‘lơ\ng lơ\m rim tơ drong jang pơ jing tơ ring tơ rang ‘nao. Kon pơ lei ku\m tôch kơ chhôk hơ iă sơng sơ năm ‘nao, sơng Têt joăt joe kơ hơ dre\ch hơ dru\ng Việt Nam bơ\n.

Kiơ\ kơ [ok Bùi Quốc Huân, Bí thư Đảng xăh Đạ Sar, mă đơ\ng măt kon pơ lei kơ xăh găh lơ ‘no\h j^ bơ ngai kon kông, mă lei tru\h dang ei kơ so# u\nh hnam dơ nu\h hin lăp oei pă 6%, io\k yua jo# păh lăp kơ\l bơ ngai sơ năm âu ki hlôi đei hlo\h 35 triệu hlak jên. Gơ nang đơ\ng 1 jơ hngơ\m đon lơ\m tơ doă, Đạ Sar hlôi hơ drin yak to\k đei xăh jang đang ‘lơ\ng tơ ring tơ rang ‘nao lơ\m hơ tuch sơ năm 2017. Tơ drong tơm kăl hlo\h lơ\m khei ‘năr tru\h âu kơnh ‘no\h j^ lăng kăl tru\h tơ drong jang tơ pl^h ‘long pơ tăm, pơ tru\t hơ to\k tơ iung cho\h jang sa kiơ\ trong kơ măy kơ mo\k ‘nao păng hơ to\k jang hơ dai răt io\k đ^ tơ mam đơ\ng cho\h jang sa ăn kon pơ lei:

“Đảng bộ, khu\l kơ dră păng kon pơ lei kơ rim hơ dre\ch hơ dru\ng xăh Đạ Sar băt hơ dăh akhan tơ drong pơ jing đei tơ ring tơ rang ‘nao ‘no\h j^ 1 tơ drong mơ mat, mă lei vă pơ vei kơ jăp xăh jang đei ‘lơ\ng tơ ring tơ rang ‘nao ‘no\h j^ tơ drong roi mơ mat tat hlo\h dơ\ng. Kơ l^h thoi no\h, nhôn gô hơ nơ\ng ako\m tơ pl^h pran trong jang mu\k drăm, jang ‘lơ\ng tơ drong jang hơ dai hăm rim ko\ng ti, an^h jang mơ dro sa lơ\m io\k răt đ^ tơ mam ăn kon pơ lei. Hơ dai hăm ‘no\h, pơ lung pơ tru\t kon pơ lei tơ pl^h te\h che\h phe kră krut, dôm kơ loăi ‘long hơ nhăk ăn io\k yua mu\k drăm to\ se\t vă tơ pl^h jing pơ tăm ‘nhot pơ kao kiơ\ trong cho\h jang sa hăm kơ măy kơ mo\k ‘nao”.

Hăm dôm tơ drong tơ pl^h lơ\m trong tơ che\ng, trong jang đơ\ng kon pơ lei rim hơ dre\ch hơ dru\ng, tơ drong mơ\t jang kơ jăp đơ\ng khu\l kơ dră tơ ring, lui nge\h akhan sơ năm ‘nao xăh tơ ring tơ rang ‘nao Đạ Sar gô hơ nơ\ng hơ to\k tơ iung pran hlo\h dơ\ng, vă tơ drong ar^h sa kơ kon pơ lei roi ‘năr roi ph^ tơ no\ hiôk hian.

Quang Sáng ch^h

Thuem tơ blơ\