VOV4.Bahnar -Gơ nang đơ\ng jang kiơ\ tơ drong jang m^nh jơ hngơ\m pơ jing tơ ring tơ rang ‘nao ‘lơ\ng ro\, tru\h dang ei, Lâm Đồng đ^ đei 6 xăh đei drơ\ng xăh jang đang tơ ring tơ rang ‘nao ‘lơ\ng ro\. Lâm Đồng Hơ drin tru\h hơ tuch sơ năm ‘nâu gô jing tơ ring jang đang hơ drol kơ Tây Nguyên găh tơ drong jang ‘nâu, hăm 5 apu\ng jang đang ‘lơ\ng tơ ring tơ rang ‘nao.

Tru\h dang ei, Lâm Đồng đei 6 xăh đei drơ\ng xăh jang đang ‘lơ\ng tơ ring tơ rang ‘nao hơ to\k ‘lơ\ng, ‘no\h đei: xăh Gia Lâm kơ apu\ng Lâm Hà, xăh Gia Viễn kơ apu\ng Cát Tiên, xăh Hòa Ninh kơ apu\ng Di Linh păng 3 xăh nai ‘no\h Ka Đô, Quảng Lập păng Lạc Lâm kơ apu\ng tơ ring tơ rang ‘nao Đơn Dương. Vă đei drơ\ng jing xăh jang đang tơ ring tơ rang ‘nao ‘lơ\ng ro\, đơ\ng ro\ng kơ jang đang ‘lơ\ng tơ ring tơ rang ‘nao rim xăh hlôi hơ nơ\ng hơ drin hơ nhăk kơ so# dôm tơ drong hơ găt đei hơ to\k ‘lơ\ng hlo\h, mă hơ dăh ‘no\h đei 75% trong tơm lơ\m pơ lei păng trong mơ\t le\ch tơ\ plei âu plei to đei pơm man ngăl, vei sơ đơ\ng gre ô tô năm v^h vơ\t hiôk prăt sơ năm; hlo\h 90% hơ găt te\h cho\h jang sa kơ chăng đei đak tơ ru\ih păng đak yua; 99% u\nh hnam đei yua u\nh điên hơ nơ\ng păng sơ đơ\ng; 95% hnam trưng ho\k đơ\ng mầm non tru\h jăl 2 đei tơ mam drăm păng kơ măy kơ mo\k pơ tho ho\k đei hơ găt ‘lơ\ng te\h đak; hlo\h 85% kơ so# u\nh hnam đei hnam oei ‘lơ\ng kiơ\ tơ drong hơ găt; io\k yua jo# păh lăp kơ\l bơ ngai athei lơ hlo\h số 1,3 ‘măng tơ\ kơ pal pơ têng hăm kơ so# io\k yua jo# păh lăp kơ\l bơ ngai tơ\ khei ‘năr đei drơ\ng xăh jang đang tơ ring tơ rang ‘nao; păng kơ so# u\nh hnam dơ nu\h hin lơ trong athei oei pă hơ la kơ 1%.

‘Ngoăih kơ ‘no\h, rim xăh jang đang tơ ring tơ rang ‘nao ‘lơ\ng ro\ athei đei tơ ring pơm tơ le\ch tơ mam ako\m hăm tơ mam tơm; đei 1 tru\h 2 tơ drong jang cho\h jang sa tơ mơ\t yua kơ măy kơ mo\k ‘nao đei yua păng vei sơ đơ\ng tơ mam sa, đei io\k yua lơ\m 1 hơ găt te\h lơ hlo\h 1,2 ‘măng pơ têng hăm tơ drong hơ to\ atu\m kơ de#h char…. Kiơ\ kơ [ok Nguyễn Văn Quang, oei tơ\ xăh Hòa Ninh, apu\ng Di Linh, vă jang đang xăh tơ ring tơ rang ‘nao ‘lơ\ng ro\, kon pơ lei kăl kơ đei tơ drong tơ goăt 1 [ơ\r đon păng hơ drin đ^ jơ hngơ\m vă jang hơ dai hăm khu\l kơ dră che\p kơ\l bơ\ jang kiơ\ ke\h đang lơ tơ drong hơ găt hlôi tơ le\ch ăn:

“Nhôn tôch kơ chhôk hơ iă, ‘nă hal vang tơ gop dôm kon jên kiơ\ athei đơ\ng tơ ring. ‘Ngoăih kơ tơ gop ‘no\h nhôn vang jang đ^ đăng rim ‘măng krao hơ vơn nhen ako\m pơm rơ go\h trong, pơm ăn rơ go\h ‘lơ\ng tơ ring tơ rang, đang kơ ‘no\h pơ tăm pơ kao, ‘long pơ ro\ tơ\ j^h trong, vei lăng…krao hơ vơn đ^ đăng kon pơ lei, krao hơ vơn rim ‘nu bơ ngai vang jang tơ drong jang hơ dai âu. Nhôn ‘me\h đ^ đăng rim ‘nu adoi băt kơ d^h đei hơ drin, vei lăng hơ n^h bơ\n oei gô ‘lơ\ng hơ iă, hiôk păng jing 1 hơ n^h kăl kơ ar^h”.

Tơ\ apu\ng Đức Trọng- Lâm Đồng, cho\h jang sa kơ măy kơ mo\k ‘nao tơ gop hơ to\k ‘lơ\ng tơ drong ar^h sa

‘Nao âu, An^h vei lăng kon pơ lei de#h char Lâm Đồng hlôi pơ gơ\r le#h roi tơ băt tơ chơ\t apu\ng Đức Trọng jang đang tơ ring tơ rang ‘nao păng sơng io\k Mê đai bơ\ jang mă 3. Hlo\h 10 sơ năm tơ le\ch jang kiơ\ Tơ drong jang tơm te\h đak pơ jing tơ ring tơ rang ‘nao, um ai tơ ring tơ rang kơ apu\ng Đức Trọng đei tơ pl^h ‘lơ\ng, an^h jang kăl hơ to\k tơ iung, mu\k drăm to\k lơ, io\k yua jo# păh lăp kơ\l bơ ngai đei 57 triệu hlak jên 1 sơ năm. Rim tơ drong jang pơ gang, pơ tho pơ hrăm vei sơ đơ\ng, cham char tơ ring tơ rang đei tơ pl^h ‘lơ\ng rơ đăh, sơ đơ\ng tơ pôl đei vei kơ jăp.

Kiơ\ kơ [ok Nguyễn Ngọc Phúc, Bí thư Đảng apu\ng Đức Trọng, đei đăi io\k yua âu ‘no\h gơ nang đơ\ng tơ drong vang jang, lăp đon đơ\ng đ^ đăng đảng bộ, khu\l kơ dră che\p kơ\l păng kon pơ lei, đang kơ ‘no\h vă hơ nơ\ng pơ vei păng hơ to\k dôm jơ nei hlôi io\k đei, apu\ng Đức Trọng kăl kơ tơ le\ch jang hrơ\ch 1 ‘măng lơ trong jang, lơ\m no\h tơ drong hơ to\k tơ iung mu\k drăm kơ jăp, vei sơ đơ\ng an^h te\ch răt tơ mam cho\h jang sa păng hơ to\k ‘lơ\ng io\k yua, sơ đơ\ng tơ drong ar^h sa ăn kon pơ lei ling lang jing tơ drong tơm g^t kăl.

“Hrei ‘nâu, nhôn akhan hlo#h vao jang sa đơ\ng kon pơ lei Đức Trọng tôch kơ jung, dôm tơ drong hiôk găh te\h, dơ nâu đak, to\ ‘mi kial ku\m tôch kơ ‘lơ\ng. Tơ drong jang sa ư\h kơ hơ nat mă lei hơ net hlo\h no\h ‘no\h j^ hơ to\k ‘lơ\ng tơ mam, te\ch tơ mam păng yak tru\h cho\h jang sa rơ go\h. Hơ met pơ ‘lơ\ng tơ drong ‘nâu kăl kơ đei dôm tơ drong pơm đei ‘lơ\ng, pơ t^h gia athei đei dôm an^h jang mơ dro sa, hơp tak xăh dơ\ng pơm tơm vă jang hơ dai hăm kon pơ lei, khu\l kơ dră che\p kơ\l ‘no\h tơ gu\m, tơ mơ\t jên jang ‘lơ\ng 1,2 kơ so# jên blu\ng a vă pơ jing hơ năn tơ mam, vei sơ đơ\ng io\k yua hơ to\k ‘lơ\ng lơ\m tơ drong jang cho\h jang sa”.

Trong nơ năm tơ ring tơ rang tơ\ Lâm Đồng

Đức Trọng ‘no\h j^ apu\ng mă 2 kơ de#h char Lâm Đồng, păng jing apu\ng mă 2 kơ Tây Nguyên đei drơ\ng apu\ng jang đang tơ ring tơ rang ‘nao. ‘Măng âu, apu\ng Đức Trọng hlôi sơng io\k Mê đai bơ\ jang mă 3 yua đơ\ng Kơ dră te\h đak pơ jao asong.

Lơ\m dôm sơ năm âu ki, hăm lơ jên jang, de#h char Lâm Đồng hlôi ako\m tơ mơ\t jên jang hơ to\k tơ iung tôm tơ drong tơ ring tơ rang, tơ ring kon pơ lei kon kông. Lâm Đồng dang ei đei 2 apu\ng tơ ring tơ rang ‘nao păng tơ che\ng hơ drol hơ tuch sơ năm ‘nâu gô đei 5 apu\ng io\k đei hơ năn krao âu. Lơ\m de#h char dang ei đei 104 lơ\m kơ so# 111 xăh jang đang tơ ring tơ rang ‘nao, lơ\m no\h đei 18 xăh tơ ring tơ rang ‘nao hơ to\k ‘lơ\ng, 6 xăh ‘lơ\ng ro\. Tơ drong tơ chơ\t hop ako\m Đảng bộ de#h char Lâm Đồng ‘măng mă XI, (jăl jang 2020-2025) hlôi tơ le\ch tơ drong hơ găt tru\h sơ năm 2025 Lâm Đồng jing de#h char hơ to\k tơ iung ‘lơ\ng, păng jang đei tơ drong hơ găt de#h char tơ ring tơ rang ‘nao hơ drol kơ sơ năm 2025.

Thuem: Tơ blơ\