VOV4.Bahnar - Pơ jing tơ ring tơ rang ‘nao, tơ\ xăh Phú Hội, apu\ng Đức Trọng, de#h char Lâm Đồng, tơ drong ar^h sa kon pơ lei hlôi hơ to\k tơ iung tơ te\nh. Dôm jalư trong [ê to\ng rơ go\h ‘lơ\ng jơ\p pơ lei pơ la. Lơ u\nh hnam hlôi man đei hnam kơ jăp ‘lơ\ng, rong kon hơ ‘lơ\p ho\k pơ hrăm tru\h trong… Dôm jơ nei âu tru\h đơ\ng tơ drong tơ pl^h đon tơ che\ng, 1 jơ hngơ\m đon đơ\ng kon pơ lei hăm khu\l kơ dră tơ ring.

Năm tơ mang tơ\ xăh Phú Hội lơ\m dôm năr blu\ng sơ năm ‘nao, nhôn hơ mrêng tơ\ hơ năp tơ drong tơ pl^h đơ\ng tơ ring bơ ngai kon kông. Dôm an^h jang kăl nhen trong, hnam trưng, hnam pơ gang xăh adoi đei tơ mơ\t jên jang pơm ‘lơ\ng. Lơ hnam tơ\ng ‘lơ\ng, hrâu to\k bo\k dôm tơ drong jang hnam hơ drao pơ tăm ‘nhot, pơ kao… ‘Nho\ng Ha Nan Thamy, kơ dră vei khu\l kon pơ lei  jang chu\n mir xăh Phú Hội, apu\ng Đức Trọng, de#h char Lâm Đồng tơ băt, tơ drong tơ pl^h âu ‘no\h gơ nang đơ\ng kon pơ lei băt ako\m cho\h pơ tăm jang sa tơ\ te\h dang ei đei:  Tơ roi găh mu\k drăm ‘no\h xăh Phú Hội hlôi đei [o#h to\k tôch kơ rơ đăh. Sơ\, tơ ring kon kông jang sa ư\h kơ sơ đơ\ng, tơ drong hlo#h vao ư\h kơ lơ nhen ‘nho\ng o\h bơ ngai Yuăn. Mă lei dang ei, kon pơ lei tơ ring ‘nâu đ^ băt ho\k pơ hrăm tơ drong jang sa hơ nhăk ăn io\k yua lơ đơ\ng ‘nho\ng o\h bơ ngai Yuăn. Kon pơ lei dang ei ku\m hlôi yak tơ tom ‘nho\ng o\h bơ ngai yuăn lơ\m tơ drong jang sa ku\m nhen rim tơ drong lơ\m tơ drong ar^h sa.

Mo\ K’Nễu ‘no\h j^ 1 ‘nu bơ ngai jang sa gơ\h găh bơ ngai kon kông klăih đơ\ng dơ nu\h hin tơ\ xăh Phú Hội. Mơ ti me\ [a\ đơ\ng ‘lơ\p, sư măh năm jang thuê jơ\p tơ ring. Kho\m kho\m sư mong pơ đom răt đei 1 hlak te\h ie\ vă pơ tăm che\h phe păng jang [a 1 pơ yan. Đang kơ ‘no\h sư pơ\n tơ pl^h pơ đ^ te\h jing pơ tăm  la ghim, ăn io\k yua roi ‘năr roi đei [o#h: Sơ\ dơ nu\h hin pơ ngot de#h, lăp pơ tăm [a, pơ tăm hơ [o [o#h ư\h kơ măh so\ng sa, dang ei ‘no\h tơ pl^h đ^ jing pơ tăm laghim hơ nhăk ăn io\k yua mu\k drăm lơ hlo\h 4, hlo\h ‘măng. {o#h dang ei tơ drong ar^h sa đ^ pă [iơ\ tôch lơ.

J^ xăh đei hlo\h 46% măt kon pơ lei ‘no\h j^ bơ ngai kon kông “ găh lơ ‘no\h ‘no\h bơ ngai K’ho păng Chru), vă hơ to\k ‘lơ\ng tơ dronga ar^h sa kon pơ lei, lơ\m dôm sơ năm âu ki khu\l kơ dră xăh Phú Hội ling lang tơ chă dôm tơ drong jang sa tro\ lăp tơ mơ\t yua lơ\m yan âu. An^h jang vei lăng găh cho\h jang sa păng rim khu\l tơ pôl pơ\ih lơ lăm pơ hrăm pơ tho kon pơ lei cho\h pơ tăm, vei rong kon tơ rong. Mă loi ‘no\h, tơ drong jang cho\h jang sa kơ măy kơ mo\k ‘nao đei bơ ngơ\t tru\h jang kiơ\, hăm dôm tơ drong jang ăn io\k yua mu\k drăm lơ. Tru\h dang ei, lơ\m xăh đei te\h cho\h jang sa tơ mơ\t yua kơ măy kơ mo\k ‘nao ‘no\h 2.570 hec tar, nhen pơ tăm ‘nhot, pơ tăm pơ kao lơ\m hnam kơ m^l, hnam hơ drao, pru\ih kơ d^h… Io\k yua jo# păh lăp kơ\l bơ ngai sơ năm âu ki đei 58 triệu hlak jên. Kơ jă pơm tơ le\ch cho\h jang sa jo# păh lăp đei 185 triệu hlak jên 1 hec tar. Lơ te\h pơ tăm [a 1 pơ yan ư\h kơ đei io\k yua lơ đei tơ pl^h jing pơ tăm pơ kao đei kơ jă mu\k drăm lơ. {ok Ha Bang, Bí thư Chi bộ plei R’chai 1, xăh Phú Hội, chhôk hơ iă tơ\ hơ năp tơ drong tơ pl^h ph^ tơ no\ đơ\ng kon pơ lei kon kông kơ tă an^h:  Găh tơ drong mu\k drăm pơ têng hăm lơ sơ năm nâu ‘no\h sơ năm 2018 âu ki đei tơ drong hơ to\k tơ iung ‘lơ\ng, kon hơ ‘lơ\p đei ho\k pơ hrăm tru\h trong, đei lơ u\nh hnam hlôi đei jên vă man hnam ‘nao kơ jăp ‘lơ\ng,  pơ lei koeng [ôt đei vei rơ go\h đơ\ng hnam tru\h tơ\ trong glung, vei sơ đơ\ng ch^nh tr^ tơ\ tơ ring ling lang đei vei kơ jăp. Pơ ma atu\m ‘no\h hơ to\k tơ iung găh rim tơ drong.

Yă Kră Jan K’Suynh, Pho\ kơ dră xăh Phú Hội tơ băt, tơ drong tơ pl^h tơ te\nh kơ tơ ring ‘no\h j^ gơ nang đơ\ng kon pơ lei ling lang tơ mơ\t tơ drong hlo#h vao lơ\m tơ drong jang cho\h jang sa, chă tơ pl^h kơ d^h đon tơ che\ng lơ\m jang sa: Sơ năm 2015 xăh Phú Hội hlôi jang đang tôm 19 tơ drong hơ găt pơ jing tơ ring tơ rang ‘nao. Bơ ngai kon kông kơ tă an^h đei hlo\h 46% găh lơ ‘no\h bơ ngai K’ho păng Chru. Dang ei kon pơ lei hlôi tơ pl^h đon hlo#h vao lơ\m hơ to\k tơ iung mu\k drăm, nhen hơ nơ\ng băt hơ dăh kơ tơ\ng ang pơ tho trong jang sa đei io\k yua, năm lăng ho\k pơ hrăm tơ drong jang mu\k drăm hơ nhăk ăn io\k yua lơ. Kon pơ lei tơ\ tơ ring găh lơ ‘no\h pơ tăm che\h phe păng la ghim. Vă je# tru\h âu kơnh ‘no\h tơ ring ku\m gô hơ nơ\ng chă trong vă jang ăn kon pơ lei pơ\ih să te\h ‘long pơ tăm hơ nhăk ăn io\k yua mu\k drăm lơ, vă kiơ\ tơ tom tơ drong hơ gei atu\m đơ\ng tơ pôl.

Vă hơ nơ\ng vei kơ jăp 19 tơ drong hơ găt tơ ring tơ rang ‘nao păng yak tru\h jing xăh tơ ring tơ rang ‘nao ‘lơ\ng kơ de#h char Lâm Đồng jăl jang 2018- 2020, kơ dră Đảng, kơ dră tơ ring xăh Phú Hội băt hơ dăh hơ nơ\ng tơ gu\m, yak hơ dai hăm kon pơ lei pơ jing hơ yak hơ to\k tơ iung ‘lơ\ng. Rim kơ dră, rim an^h jang, khu\l gru\p tơ pôl tơ ring jang kiơ\ ‘lơ\ng tơ drong jang tơ roi tơ băt, ako\m hơ vơn rim kon jên, pơ jing jơ hngơ\m pran ako\m lơ\m pơ jing tơ ring tơ rang ‘nao. Lơ\m no\h mă loi lăng kăl hơ to\k tơ drong jang tơm “ Kon pơ lei jang tơ drong jang, te\h đak tơ gu\m”, vă tơ ring tơ rang roi ‘năr roi tơ pl^h ‘nao.  

Thuem: Tơ blơ\