VOV4.Bahnar  – Đơ̆ng rŏng 13 xơnăm pơm kiơ̆ Tơchơ̆t kơsô̆ 26-NQ/TW păng Tơchơ̆t kơsô̆ 899 đơ̆ng Thủ tướng teh đak kĭ pơkăp Tơdrong hơmet pơ 'lơ̆ng tơdrong jang choh pơtăm; anih Choh jang xa Lâm Đồng hlôi đei tơplih hơdăh, tơdrong hơtŏk tơ iung pran hloh pơtêng hăm jâ̆p teh đak. Jâ̆p dêh char hlôi tơplih pơhlom 125 rơbâu ha 'lơ̆ng pơtăm lơ kơloăi; tơdrong jang pơtăm hrau lơ hơdrĕch 'long pơtăm đei jơnei lơ găh mŭk drăm. Truh dang ei, đei hloh 60% hơgăt ka phê đei yua hơdrĕch gep, dăh mă hơdrĕch tơm 'lơ̆ng; đei pơhlom 70% hơgăt 'long xa plei 'lơ̆ng đei yua lơ. 'Nhot, pơkao roi năr roi lơ păng 'lơ̆ng, axong măh ăn tơring; pơjing tơring akŏm pơtâ̆m găh 'long kŏng ngĭp, 'long xa plei, 'nhot, pơkao hăm hơgăt tih xă, axong măh tơmam drăm ăn anih pơm tơlĕch tơmam xa tĕch tơlĕch lơ̆m tơring.

Lan chih păng pơre nơ̆r