VOV4.Bahnar - Tơ̆ hơ năp dôm tơ drong mơ mat tat tĕch tơ mam đơ̆ng choh jang sa lơ̆m tơ ring đei jĭ COVID-19, khei 6 sơ năm ‘nâu, Anih tơm vei lăng găh choh jang sa păng hơ tŏk tơ iung tơ ring tơ rang gô jang hơ dai hăm Trung ương Khŭl vei lăng drŏ kăn Việt Nam, Trung ương Đoàn hơ druh tơ dăm Cộng sản Hồ Chí Minh pơ jing dôm tơ drong jang tĕch tơ mam drăm đơ̆ng choh jang sa ăn kon pơ lei  tơ ring đei jĭ vei sơ đơ̆ng ‘lơ̆ng tơ mam drăm đơ̆ng choh jang sa hai vei sơ đơ̆ng jĭ hơ buh hai. Dôm tơ drong jang hơ dai tĕch tơ mam drăm đơ̆ng choh jang sa đei pơ jing đơ̆ng Trung ương jur tơ̆ rim tơ ring, truh tơ̆ rim xăh, phường. Vang jang rim tơ drong jang hơ dai tĕch răt oei đei rim khŭl jang vei lăng tơ mam păng rim bơ ngai tĕch le đơ̆ng Việt Nam. Anih jang choh jang sa gô pơ jing hơ nih ‘mong răk hla ar păng gô tơ roi tơ băt hơ nơ̆ng ăn kơ rim anih tĕch mơ dro băt akhan tơ̆ dêh char hơ yơ tŏk bŏk hơ met ăn iŏk yua tơ mam drăm đơ̆ng choh jang sa păng đei tơ mam dôm yơ. Rim anih jang tĕch mơ dro kiơ̆ đơ̆ng noh gô kơ chăng hơ met ăn gre chơ, hơ nih mong, trong jang vei lăng păng kĭ pơ kăp hla ar hăm bơ ngai tĕch.

Thuem: Tơ blơ̆