VOV4.Bahnar -Tơdrong kơtơ̆ng ang 'năr âuđei dôm tơdrong kơtơ̆ng ang tơm tơ̆ hơla âu:
-Thủ tướng Phạm Minh Chính vang truh Hop akŏm tih Jang hơdai Tơring Mekong pơih să ‘măng mă 8 tơ̆ Trung Quốc.
-Phŏ Kơdră Anih tơm vei lăng Khŭl lĭnh, Thượng tướng Phạm Hoài Nam sơng khŭl kang ƀô̆, si kuan Anih tơm vei lăng Khŭl lĭnh, Khŭl lĭnh tang găn păng Anih mong jên Rơngei Sasakawa Nhật Bản.
-Khŭl kơdră chĕp kơ̆l Anih jang Đảng dêh char Đắk Lắk pơgơ̆r Hop akŏm hơnơ̆ng ‘măng mă 97.
-Năr ‘nâu, dang 170 triệu ‘nu bơngai tăh hla Mi năm tăh kơ phiê̆u pôk bơngai chĕp kơ̆l teh đak lơ̆m dang 4 sơnăm truh.
-Ai Cập krao hơvơn hơdrin jơ̆p lơ̆m plei teh vă hơmet pơ ‘lơ̆ng dôm long nol anih kơdrơ̆m.