VOV4.Bahnar - Jang kiơ̆ Tơdrongh jang tơplih kơsô̆ teh đak truh sơnăm 2025, lăng truh sơnăm 2030 kơ Khul kơdră Teh đak, rim tơring pơtrŭt kon pơlei choh jang sa jang kiơ̆ kmăi kmŏk kơsô̆ vă hơmet pơ ‘lơ̆ng trong choh jang sa, pơm tơlĕch tĕch mơdro. Hăm trong “Mĭnh ‘nu kon pơlei ‘noh bơngai mơdro sa jang kiơ̆ kmăi kmŏk kơsô̆”, kon pơlei kăl đei pơtho ăn mă hơdăh vă jang kiơ̆ kmăi kmŏk kơsô̆ lơ̆m choh jang sa, tĕch mơdro tơmam drăm choh jang sa. Pơm tông tơ̆ hơla au tơroi tơbăt tơdrong ‘nau.