VOV4.Bahnar - Đơ\ng 1 tơ ring mu\k drăm mơ mat tat, jang sa kơ hlo#h kơ vao, plei Ol Bù Tung, xăh Quảng Tín, apu\ng Đăk Rlấp, de#h char Dak Nông hlôi đei lơ tơ pl^h rơ đăh gơ nang đơ\ng tơ drong jang pơ jing tơ ring tơ rang ‘nao. Trong nơ năm să hiôk, dôm hnam ‘lơ\ng ‘nao pơm roi ‘năr roi lơ, ku\m hăm tơ drong pơ yan jang hăt hot, ăn tơ drong hơ to\k tơ iung pran kơ tang đơ\ng tơ ring. Bơ ngai ch^h kơ tơ\ng ang Hoàng Qui tru\h tơ\ plei Ol Bù Tung păng đei [ai ch^h găh dôm tơ drong hơ iă lơ\m pơ jing tơ ring tơ rang ‘nao tơ\ âu.

Dôm năr blu\ng sơ năm ‘nao, kon pơ lei hăt hot kơ năm tơ\ mir che\h phe she ‘nhe\t, tơ ru\ih đak… Rim ‘nu tă hiơ hie\k chhôk ‘nă ngăl. ‘Nho\ng Điểu Sang, m^nh ‘nu kon pơ lei lơ\m pơ lei tơ băt, klăih đơ\ng dơ nu\h hin dang ei đ^ ư\h pă jing tơ drong hơ nat, yua kơ rim tơ drong ăn  jang sa, đơ\ng hơ dre\ch, jên, tru\h ki thuơ\t, tă kơ hiôk ngăl. Nhen u\nh hnam Điểu Sang, đơ\ng ro\ng le\ch đơ\ng hơ năn ch^h u\nh hnam dơ nu\h hin sơ năm 2016, tru\h dang ei đ^ đei mu\k drăm pơ đom bơ\ih, man đei hnam ‘nao ‘lơ\ng. Mu\k drăm đei [o#h to\k, tơ drong tơ gop pơ jing tơ ring tơ rang ‘nao ku\m jing [ônh [o\. Âu ki, hơ met ăn  sa Têt Canh Tý, kon pơ lei hlôi tơ te\nh tơ gop đei 60 triệu hlak jên, cho# u\nh điên hơ hơ dăh tơ pôl. Dang ei, mă tơ\ gơ măng ‘no\h plei Ol Bù Tung ku\m tơ\k hơ dăh brach:“{ơ\t đei u\nh điên tơ\k hơ dăh hăm jên đơ\ng kơ d^h kon pơ lei chă tơ ra ‘no\h tơ drong sơ đơ\ng ‘lơ\ng hlo\h, cham char pơ lei pơ la chơt hơ iă hlo\h, tơ\ gơ măng ‘no\h đei kơ [o\ng u\nh điên hơ dăh, hnam hơ yơ ku\m đei. Oei sa đơ\ng kon pơ lei ‘lơ\ng [iơ\.”

‘Nho\ng Y Đoan, bơ ngai pơ gơ\r plei Ol Bù Tung  tơ roi dơ\ng, dang 7 sơ năm hơ drol ki, kon pơ lei lơ\m pơ lei đei tơ drong ar^h sa tôch kơ mơ mat tat, mu\k drăm găh lơ đơ\ng tơ drong jang năm jang thuê păng pơ yan điêu kơ na io\k yua ư\h kơ sơ đơ\ng. Dôm sơ năm tơ je# âu, rim trong jang tơ gu\m tơ mơ\t jên jang đơ\ng Đảng, te\h đak roi ‘năr roi hơ to\k đei yua, tơ drong ar^h sa mu\k drăm kơ kon pơ lei [rư\ [rư\ đei hơ to\k. Kon pơ lei gơ\h to\k io\k jên tơ gu\m đơ\ng an^h mong jên tơ gu\m tơ pôl, đei pơ tho ki thuơ\t vei lăng ‘long pơ tăm, rong kon tơ rong… Kơ so# u\nh hnam dơ nu\h hin lơ\m pơ lei hlôi tơ jur rơ đăh, dang ei lăp oei pă 18 u\nh hnam dơ nu\h hin păng vă je# dơ nu\h hin:“ Dang ei kon pơ lei băt tơ mơ\t yua khoa ho\k ki thuơ\t, băt tơ mơ\t jên jang nhen kăt sơ drai, săy pho\ng, tơ ru\ih đak, dang ei 1 hec tar kon pơ lei phe\ io\k ku\m hlôi đei 3 tấn gar. Rim sơ năm ‘no\h An^h vei lăng hơ dre\ch kon kông đei bơ ngơ\t tru\h năm pơ hrăm ăn kon pơ lei trong vei lăng kơ su, che\h phe, điêu păng vei rong kon tơ rong. Jên to\k io\k ‘no\h te\h đak hlôi ăn kơ kon pơ lei to\k io\k bơ\ih, kơ na kon pơ lei răt kơ măy kơ mo\k, răt đing tơ ru\ih vă kon pơ lei hơ to\k tơ iung tơ drong ar^h sa, mu\k drăm roi ‘năr roi sơ đơ\ng hlo\h.”

Kiơ\ kơ An^h vei lăng kon pơ lei xăh Quảng Tín, ư\h khan lăp hơ dro# plei Ol Bù Tung, mă pơ đ^ hloi 4 pơ lei bơ ngai kon kông kơ tă an^h kơ xăh tă kơ hlôi đei tơ drong ar^h sa ph^ tơ no\ ngăl bơ\ih. Dôm sơ năm âu ki, hăm dôm tơ drong jang hơ dăh ‘lơ\ng đơ\ng tơ gu\m jên jang, pơ tho tơ drong jang lơ\m cho\h ạng sa hơ dai hăm hơ to\k loi dơ\ng tơ drong jang tơ roi tơ băt jur tơ\ tơ ring hlôi tơ gu\m ăn kon pơ lei tơ pl^h trong tơ che\ng, trong jang, ư\h pă đei đon tơ che\ng pơ mơ\ng sa hơ păh đơ\ng tơ drong tơ gu\m đơ\ng te\h đak. {ok Phạm Văn Hải, Pho\ kơ dră An^h vei lăng kon pơ lei xăh Quảng Tín tơ băt:“ Dang ei lơ\m tơ ring kon pơ lei kon kông, kon pơ lei băt đei tơ drong hơ to\k tơ iung mu\k drăm đơ\ng kơ d^h, đe sư hlo#h đei tơ drong ‘no\h j^ đe sư athei klăih đơ\ng dơ nu\h hin kơ d^h. {ơ\t mă u\nh hnam đe sư đơ\ng ro\ng kơ io\k đei đ^ đăng tơ drong tơ gu\m jên [ơm tru\h đơ\ng Đảng păng te\h đak, mă loi ‘no\h jên đơ\ng an^h mong jên tơ gu\m ‘no\h đe sư gô ako\m lơ\m tơ drong tơ chơ\t jên jang sa păng đe sư vei lăng ‘long pơ tăm, rong kon tơ rong vă đei lơi, hơ to\k tơ iung ‘no\h j^ gô klăih đơ\ng dơ nu\h hin, ư\h kơ pơ mơ\ng răp sa hơ păh lơ\m tơ drong tơ gu\m đơ\ng Đảng păng te\h đak dơ\ng bơ\ih.

Plei Ol Bù Tung dang ei hlôi đei 1 um ai ‘nao. Kon pơ lei Ol Bù Tung hlôi đei jơ hngơ\m hơ drin đơ\ng dôm bơ ngai ‘me\h pơm pơ dro\ng. Io\k đei đơ\ng plei Ol Bù Tung tơ [o#h ăn tơ drong tơ goăt tơ goăl, băt hơ drin, yak hlo\h kơ jăp. Hăm dôm trong jang tơ gu\m đơ\ng Đảng păng te\h đak, kon pơ lei lơ\m pơ lei hơ nơ\ng 1 jơ hngơ\m đon pơ jing pơ lei pơ la roi ‘năr roi ‘lơ\ng ro\.

 Hoàng Qui: Ch^h

Thuem: Tơ blơ\