VOV4.Bahnar  – Đơ̆ng rŏng kơ Kon Tum păng Gia Lai, tơ̆ dêh char Đăk Lăk duh 'nao đei pơrang jĭ đuh rơka pơlplei hăm rơmo. Rơmo mă blŭng ƀơm jĭ đuh hơkar pơplei đei ƀôh tơ̆ dêh char Đăk Lăk, noh hăm unh hnam ƀok Nguyễn Khắc Dự, tơ̆ thôn 5, xăh Chuôr Knia, apŭng Buôn Đôn. Kiơ̆ hơlen pơrang jĭ, ăh năr 3/6, ƀok Dự răt rơmo đơ̆ng minh unh hnam tơ̆ xăh tơjê̆. Kơplăh răt, kon tơrong ưh đei ƀôh ƀơm pơrang jĭ. Truh ăh pơgê năr 4/6, rơmo đei pơlŏ, ƀôh đei anih tơhrei tơ̆ anih hơkar hơtăng. Đơ̆ng rŏng kơ noh, anih jang thŭ y hlôi iŏk hơlen pham păng đei băt rơmo âu hlôi ƀơm jĭ đuh hơkar pơplei. Atŭm hăm xoh đĭ rơmo ƀơm pơrang, anih jang kơpal tơ̆ tơring adoi pruih pơgang pơlôch xơmach tơ̆ anih hơbuh pơrang. Anih tơm jang găh Kon tơrong păng Thŭ y dêh char Đăk Lăk hlôi pơtruh hla bar pơkăl rim tơring hơtŏk chă hơlen, dăh ƀôh băt hrôih anih hơbuh pơrang vă chă tơgŭm xek tơlang tơtom.

Lan chih păng pơre nơ̆r