Anih vei lăng kon pơlei dêh char Dak Lak ‘nao drơ̆ng ăn trong jang ăn phep pơlei tơm Buôn Ma Thuột tơlĕch jang pơlong lăng kơ phô̆ năm jơ̆ng hoh păng pơvih pơvăn gre tang vang tơpôl lơ̆m pơlei tơm. Tơdrong jang âu đei hơmĕng gô pơm đei 1 hơnih tơpôl hiôk ƀônh ăn kon pơlei păng tơmoi tơmang lăng. Kiơ̆ kơ ‘noh, hơnih kơ phô̆ năm jơ̆ng hoh tơchĕng hơdrol gô hơmet ăn lơ̆m pơđĭ tơ̆ trong Phan Đình Giót (đơ̆ng trong Lê Duẩn truh trong Lê Hồng Phong). 

Tơ ter trong năm jơ̆ng hoh gô pơdă tĕch dôm tơmam pơm pơ rŏ, tơmam lăng jơ̆ng ti păng dôm tơmam sa ‘lơ̆ng kơ Tây Nguyên. Hăm pơvih pơvăn gre tang vang trong kơ phô̆ tơchĕng hơdrol gô hơmet ăn dang 20 hơnih tơ̆ dôm hơnih tơpôl, dôm anih tĕch mơdro, pơvih pơvăn, dôm hơnih năm truh anih gru groa joh ayŏ gĭt kăl, dôm hơnih gre buýt. Kon jên đei bơ̆jang kiơ̆ tơpôl vang tơgop.