Lơ̆m 2 năr kơ âu, jê̆ 600 kăn ƀô̆, bơngai joh hơri kơ 15 tơring lơ̆m dêh char Đăk Lăk hlôi akŏm pơdah 82 tơdrong nhen hơri, hơsuang, pơdreh brŏ, pơm tông. Kiơ̆ sơkơ̆t đơ̆ng jơnŭm châ̆m hơlen, tơdrong pơlong hlôi akŏm lơ bơngai đơ̆ng iĕ khĕ 'lŏ, đơ̆ng đe hơ-ioh lăp 13 sơnăm truh đe mih ma duch nă yă yăng 84 sơnăm.

Tơdrong mă noh ăn ƀôh, tơdrong joh ayŏ kơdŏ suang lơ̆m tơpôl kon pơlei hơtŏk jâ̆p jang lơ̆m dêh char. Dôm khul pơdah joh ayŏ hơnăn kơ tơdrong Pơlong noh “Đăk Lăk ang jơva năr 'nao”, đei tơdrong hơmet păng pơhrăm tơnăp gah tơdrong 'lơ̆ng păng joh ayŏ kơdŏ suang, đơ̆ng so truh tơ̆ 'nao hloi. Um rŭp joh ayŏ juăt jue kon kông kơdih kơ rim tơring đei iŏk yua păng tơbang 'lơ̆ng hơ-iă.