Vang akŏm pơlong ‘măng âu đei vă jê̆ 600 kang ƀô̆, bơngai joh hơri hơsoang đơ̆ng 15 khŭl hơri hơsoang tơpôl truh đơ̆ng dôm Anih joh ayŏ păng kơtơ̆ng ang, Anih Joh ayŏ dôm apŭng, thĭ xăh, pơlei tơm păng Anih tơm pơgơ̆r Khŭl linh dêh char Dak Lak. 82 ƀai hơri hơsoang, tôn reh păng dôm kơ loăi pơm tông tơ̆ năr pơlong ‘noh jĭ dôm ƀai hơri hơsoang hơiă đei rơih iŏk đơ̆ng dôm ‘măng long tơ̆ tơring.

Tơdrong tơm ‘noh jĭ hơri pôk pơ ư kơ Đảng ang hơdăh, Ƀok Hồ nuih mơng, tơdrong ‘mêm pơlei pơla teh đak, tơdrong arih sa ‘lơ̆ng hơiă tơ̆ groi kông Dak Lak; dôm jơnei ang hơdăh đơ̆ng kach mang Việt Nam păng tơdrong jang tơplih ‘nao teh đak hloh 35 sơnăm âu ki; tơroi kơ tơdrong lui đơ̆ng tơpôl kon pơlei lơ̆m tơdrong chĕp kơ̆l đơ̆ng Đảng, hơdrin pơjing păng vei lăng teh đak Việt Nam xã hội chủ nghĩa.