Tơ̆ jơ bơ̆jang, 2 păh hlôi pơma dơnuh găh tơdrong hơtŏk tơiung mŭk drăm, tơpôl păng joh ayŏ tơmang lăng đơ̆ng rim tơring. Kơdră chĕp kơ̆l dêh char Dak Lak tơroi: Dak Lak jĭ dêh char oei tơ̆ anih kơdrơ̆m tơring Tây Nguyên, hăm 49 hơdrĕch hơdrŭng vang arih sa, đei lơ tơdrong joh ayŏ ‘lơ̆ng hơiă. Dêh char đei teh chĕh phe să, plei dang 400 rơbâu tấn rim sơnăm. Cheh phe Buôn Ma Thuột jĭ hơnăn đe ư hơnhang, hlôi đei vei lăng asong hla ar pơkăp teh pơtăm. Khei ‘năr âu ki dêh char hlôi đei lơ tơdrong jang hơdai hăm Hàn Quốc, lơ̆m noh tơdrong kĭ hla ar chih tơƀlŏk jang hơdai 2 pang đơ̆ng dêh char Dak Lak hăm dêh char Jeollabuk tŏk bŏk hơnhăk ăn lơ jơnei ‘lơ̆ng lơ̆m dôm tơdrong.

Kiơ̆ đơ̆ng pơma dơnuh păng chă hơlen lăng, 2 tơring adoi ‘meh vă jang hơdai lơ̆m 3 tơdrong jang ‘noh: tơmang lăng, joh ayŏ păng mơdro sa. Ƀok Oh Jun Hwan, Kơdră vei lăng kơchơ pơkao pơlei tơm Goyang, akhan, gô tôch kơ ‘lơ̆ng tơdăh gơh jang hơdai pơgơ̆r lêh pơkao hơdai hăm lêh cheh phe, roi tơƀôh tơmam cheh phe Dak Lak tơ̆ anih tĕch mơdro Hàn Quốc.