Tơdrong jang ‘noh đei lơ tơdrong jang Năr hla ar păng tơdrong joăt đŏk hla ar hơnăn “Dôm kơ sơ̆p hla ar găh Hồ Chí Minh - tơƀôh trong ăn jơhnơr mơlôh Việt Nam” păng gơmăng joh hơri “Hồ Chí Minh lơ̆m plei nuih bơngai Tây Nguyên”, hăm 1.500 ‘nu kang ƀô̆, khŭl lĭnh kanh sat kơ đŏng kŭm hăm lơ lap bơngai joh hơri păng tơpôl vang akŏm.

Tơ̆ âu, rim bơngai gô đei đŏk hla ar, chă hơlen găh tơdrong hơrih sa păng tơdrong jang đơ̆ng Kơdră Hồ Chí Minh, lăng, pơm lơ tơdrong pơchơt kră sơ̆, joh ayŏ Lào, lăng hơri hơsoang hơdai hăm hrŭk ngă hơbăn ao tanh, pơma dơnuh hăm dôm bơngai pơcheh ƀai hơri kơ Đắk Lắk hơgei đei lơ ƀai hơri chih găh Ƀok Hồ. ‘Nâu jĭ tơdrong jang hơdăh ‘lơ̆ng yak truh tơbăt 135 sơnăm Năr rơneh kơ ƀok Kơdră Hồ Chí Minh păng ‘măng hŏk hôp chĭnh trĭ ‘lơ̆ng hăm rim khŭl lĭnh kanh sat kơ đŏng hơdrol kơ pơtôch ‘măng pơhrăm tơ̆ anih jang lơ̆m hơtuch khei 5.