Kiơ̆ trong tơproh jang, Anih chă tơmang lăng Biển Hồ - Chư Đăng Ya đei teh xă hlŏh 5.000 ha, đei phường Thống Nhất păng xăh Biển Hồ. Tơring âu đei cham char ‘lơ̆ng rŏ, đe măh ư hơnhang ang hơnhăk nhen: Đak Tơnueng, Groi hla che păng kông unh Chư Đăng Ya. Dôm anih jang kơpal athei chĕng hơmet pơm 5 anih ‘nŏh: Chă tơmang lăng jŏh ayŏ kơ dŏ xoang, lui yom kơ yang tơ̆ Biển Hồ, tơring kơdrâm pơvih ăn tơdrong chă tơmang lăng Chư Đăng Ya, Chă tơmang lăng tơ̆ groi hla che Biển Hồ, tơring kơdrâm ‘măng mât lĕch găh Tu Pleiku, păng tơring kơdrâm bri brăh Đak Tơnueng A. Tơdrong tơproh trong jang âu đei pơih xă ‘lơ̆ng, găn tôch ai tơdrong man trong, pơm hnam, năng kăl cham char bri brăh.