Hăm hơnăn “Tơgoăt tơdrong oei sa joăt joe”, ‘măng pơdă tơƀôh tơbăt ăn kon pơlei 100 hlak rup đơ̆ng dôm bơngai phĭn rup ƀar teh đak Việt Nam păng Hàn Quốc. Lơ̆m ou, đei 60 hlak rup đơ̆ng rim bơngai phĭn rup Hàn Quốc tơƀôh tơbăt tơdrong ‘lơ̆ng liĕm cham char, oei sa joh ayŏ păng kon bơngai kơ groi teh tơring Kim Chi; 40 hlak rup đơ̆ng rim bơngai phĭn rup Việt Nam akŏm tơƀôh hơdăh dôm tơdrong ‘lơ̆ng rŏ, tơdrong hơrih sa, joh ayŏ păng tơdrong tơplih kơ tơring groi teh Dak Lăk pơma hơdrô̆, Tây Nguyên pơma atŭm.

Kiơ̆ đơ̆ng ƀok Hồ Sỹ Minh, Kơ iĕng Kơdră chĕp pơgơ̆r Khul phĭn rup Việt Nam, ‘măng pơdă ou jing tơdrong jang tôch gĭt kăl lơ̆m tơdrong pơgơ̆r tơƀơ̆p dih băl khul phĭn rup ƀar teh đak, tơgop pơm hơtŏk loi dơ̆ng tơdrong tơgoăt tơgoăl Jang hơdoi gĭt kăl tôm tong Việt Nam – Hàn Quốc.