Pơgơ̆r đơng ‘năr 18 - 22/5, ‘măn pơdă roi tơƀôh 148 tŏ rup kiơ̆ 5 tơdrong tơm đei cham char bri brăh, tơmam đơ̆ng chăl sơ̆, tơpôl dôm hơdrĕch kon kông, tơmam xa păng tơdrong chă tơmang lăng. Dôm tŏ rup tơƀôh hơdăh tơdrong ‘lơ̆ng đơ̆ng cham char bri brăh, chăl arih, joh ayŏ kơ dŏ xoang păng kon bơngai Gia Lai lơ̆m chăl jang tŏk ‘nao.

Hăm teh xă hlŏh 21.000 km² păng hlŏh 3,5 triu ‘nu bơngai, Gia Lai đei năng đei lơ tơdrong ‘lơ̆ng vă jang tŏk gơnơm đơ̆ng cham char bri brăh ‘lơ̆ng rŏ, ƀĕnh tơdrong joh ayŏ kơ dŏ xoang so. ‘Măng pơdă vang tơgop roi tơbăt um rup tơring ‘lơ̆ng hơiă, hơdai hăm ‘noh tơlĕch trong chĕp vei păng tưk tơiung kơjă kăp gĭt đơ̆ng joh ayŏ kơ dŏ xoang hơdai hăm atŏk tơiung chă tơmang lăng kơjăp ‘lơ̆ng.