Pơhrăm gah joh ayŏ kăp gĭt, tơroh mŭk drăm joh ayŏ chĭng chêng hăm tơdrong vei răk joh ayŏ Tây Nguyên
Thứ sáu, 14:41, 22/11/2024
Lan chih tơblơ̆
Lan chih tơblơ̆
VOV4.Bahnar – Kơsơ̆ năr 21/11, tơ̆ pơlei tơm Buôn Ma Thuột (Đak Lăk), Anih vei răk mŭk drăm joh ayŏ (Anih tơm Joh ayŏ, Tơplŏng kơdâu păng Tơmang pơhiơ̆) pơih lăm pơhrăm gah joh ayŏ kăp gĭt, tơroh mŭk drăm joh ayŏ đei hơnăn "Joh ayŏ chĭng chêng Tây Nguyên" lơ̆m tơdrong jang tơmang lăng mŭk drăm joh ayŏ Buôn Ma Thuột.
Vang năm hŏk đei 64 ngê̆ nhơ̆n păng bơngai ÊĐê tơ̆ xah Ea Tu, pơlei tơm Buôn Ma Thuột. Rim bơngai hŏk đei hŏk gah tơdrong tơblang rơih akŏm vă tơbang dôm mŭk drăm joh ayŏ gah chĭng chêng, brŏ kon kông; yua kih thuơ̆t photovoice – kon pơlei kơdih tơroi dôm tơdrong joh ayŏ kơdih po... Atŭm hăm hŏk lĭ thuyêt, bơngai hŏk đei năm tơmang lăng pơhrăm kơtă tơ̆ dôm pơlei pơla.
Kiơ̆ đơ̆ng noh tơgŭm ăn bơngai hŏk kơdih iŏk yua kơjă mŭk drăm joh ayŏ kon kông po, gơh pơm tơlĕch dôm um rŭp 'lơ̆ng, tơdra 'lơ̆ng kiơ̆ pơkăp mă hơdah. Atŭm hăm noh, hlôh vao hơdah hloh gah kơjă kăp gĭt đơ̆ng mŭk drăm joh ayŏ hăm tơdrong hơrih kon pơlei, kơchăng iŏk yua kiơ̆ photovoice vă tơbang, vei răk dôm kơjă joh ayŏ kon kông tơguăt hăm hơtŏk jang tơmang pơhiơ̆.
Viết bình luận