Tơdrong jang đei pơm jing 3 tơdrong: Bơngai năm tơchă rup kơ teh đak pơm tơƀôh tơdrong jang năm chă trong dŏng teh đak, pơtơm blŭng đơ̆ng hơnih pơlei pơla Plei Sen, tơdrong ‘mêm đơ̆ng mĕ kon păng jơ tơklăh băl; Ang hơdăh chông trong akŏm pôk pơ ư jơhngơ̆m đon ‘lơ̆ng đơ̆ng Ƀôk Hồ păng jăl trong kach mang păng Việt Nam chih ƀlŏk bơ̆r Ƀok Hồ tơƀôh hơdăh jơnei păng đon chhôk ‘nă găh mĭnh Việt Nam hơtŏk tơiung kiơ̆ jăl trong Ƀok Hồ rơih, păr ang jơhngơ̆m đon ‘lơ̆ng - mơ̆t jang hơdai - yak tŏk.

Tơdrong joh ayŏ kơdŏ soang “Hơdăh ling lang hơnăn Ƀok Hồ” ưh khan lăp jing tơdrong jang joh ayŏ - kơdŏ soang đei tơdrong ‘lơ̆ng hơdăh ƀlep ƀơ̆t tơbăt Năr rơneh kơ ƀok Hồ, mă oei jing ‘măng roi tơbăt, pơtho pơhrăm tơdrong joăt joe ‘mêm kơ teh đak, ‘lơ̆ng hơiă kach mang; tơgop hơtŏk ‘lơ̆ng đon hlôh vao, pơm hơtŏk đon lui, tơiung hơnăp jang păng hơpơi ‘meh plang jơhngơ̆m đơ̆ng rim răih kon pơlei, mă loi ‘noh jĭ jơhnơr mơlôh, lơ̆m tơdrong hŏk pơhrăm păng pơm kiơ̆ jơhngơ̆m đon ‘lơ̆ng đơ̆ng ƀok Hồ.