Lơ̆m dêh char Dak Nông hrei ou oei đei hloh 6.000 ŭnh hnam hơrih sa lơ̆m hnam pơgia, hnam hnăt hnot. Lơ̆m ou dang 1.700 ŭnh hnam đei tôm tơdrong tơchơ̆t kăl tơgŭm ăn hnam oei đơ̆ng tơdrong jang tơm teh đak, trong jang tơgŭm djru đơ̆ng Teh đak. Jang kiơ̆ Tơdrong jang xut xa hnam pơgia, hnam hnăt hnot đơ̆ng Thủ tướng Teh đak, dêh char Dak Nông đei 540 ŭnh hnam đei tơgŭm djru, hăm kon jên hloh 40 ti hlak jên. Hơnih Đảng dêh char, Hơnih vei lăng kon pơlei dêh char Dak Nông hlôi tơlĕch jang dăr lăng, chih hơmet păng kĭ tơchơ̆t rim ŭnh hnam kon pơlei đei tơgŭm djru, adoi pơjao ăn rim hơnih bơ̆ jang, tơring jang keh đang pơm hla bơar vă tơlĕch iung jang ming man hnam oei ăn rim ŭnh hnam. Klui hloh vă đĭ khei 2/2025, dêh char Dak Nông gô ming man  đang 113 pơbŭng hnam, tơmơ̆t 21% trong tơlĕch jang. Dêh char Dak Nông hơdrin truh khei 9/2025 pơm keh đang 540 pơbŭng hnam, ‘noh jing lơ̆m 1 năr dêh char gô xut xa 2 pơbŭng hnam pơgia, hnam hnăt hnot.