Dêh char Đắk Lắk dang ei đei hlŏh 216 rơbâu ‘nu bơngai kră, lơ̆m noh đei hlŏh 9.300 ‘nu bơngai vang jang lơ̆m Đảng, lơ̆m khul kơdră pơgơ̆r păng dôm khul jang chinh trĭ, tơpôl. Kŭm hăm ‘nŏh, dêh char đei 921 ‘nu bơngai đei năng jĭ bơngai đei grih tih, đei kon pơlei lui yom.

‘Nâu jĭ dôm bơngai jang tôch tơnăp lơ̆m tơdrong roi tơbăt, krao hơvơn, pơtho tơƀôh ăn kơtum kơtŏng ‘nhŏng oh păng kon pơlei pơm kiơ̆ ‘lơ̆ng trong jang đơ̆ng Đảng, khôi luơ̆t teh đak, hơtŏk đon jang tơnăp, hơmet kơjăp tơdrong pơvei, mât 1 ƀơ̆r đon kơ đĭ đăng hơdrĕch hơdrung, vang tơgop pơjing păng tưk tơiung tơdrong ‘lơ̆ng đơ̆ng tơdrong jang “Đĭ đăng kon pơlei vang vei lăng tơdrong sơđơ̆ng teh đak”.