Tơdrong tơgŭm ăn hoh 3.320 tơm sâm hơdrĕch Ngọc Linh ăn 40 unh hnam  bơngai Xơ Đăng hin dơnuh, tơjê̆ hin dơnuh tơ̆ 2 xah Đăk Na păng Văn Xuôi đei Anih jang vei lăng kon pơlei apŭng Tu Mơ Rông pơm jang lơ̆m năr 11/2/2025. Ƀok Võ Trung Mạnh, Kơdră Anih jang vei lăng kon pơlei apŭng Tu Mơ Rông ăn tơbăt, tơdrong asong hơdrĕch sâm Ngọc Linh pơm jang đơ̆ng Tơdrong tơchơ̆t jang kơ teh đak gah tơjur hin dơnuh kơjăp sơđơ̆ng tơgŭm pơm jang kiơ̆ pơkăp kơjă jê̆ 1 tih hlj.

Tôm kơsô̆ tơm sâm hơdrĕch Ngọc Linh tơgŭm ăn kon pơlei hlôi đei ơng vei lơ̆m 1 sơnăm, vei sơđơ̆ng ưh đei pơrang, tŏk giơ̆ng 'lơ̆ng. Đơ̆ng rŏng iŏk sâm hơdrĕch, 35 unh hnam kon pơlei tơ̆ xah Đăk Na păng 5 unh hnam kon pơlei tơ̆ xah Văn Xuôi đei kang ƀô̆ kih thuơ̆t pơtho ăn gah kih thuơ̆t pơtăm, vei lăng tơ̆ hơla bri lơ̆m tơring kông Ngọc Linh.